5歲童遊樂場滑梯染虱 勤洗手忌捽眼防染病| likemagazine.com.hk
Beauty & Health
5歲童遊樂場滑梯染虱	   勤洗手忌捽眼防染病

5歲童遊樂場滑梯染虱 勤洗手忌捽眼防染病

好多家長都喜歡帶小朋友去遊樂場玩,減輕學業壓力,並且舒展身心。遊樂場多個玩樂設施中,滑梯向來受歡迎,小朋友好享受由高處滑下嘅快感。滑梯好玩,但原來都係染菌嘅高危地。內地江蘇有小朋友去遊樂場玩過滑梯後,返屋企成個星期都覺眼癢,不停捽眼,就算滴咗眼藥水都唔得,最後媽媽帶佢求醫始發現眼睫毛有好多陰虱,好恐怖呀!

 

眼癢持續求醫發現染虱

個案中嘅小朋友只有5歲,鍾意去遊樂場玩滑梯和沙子,有次玩完返屋企,對眼一直發癢,不停捽眼,媽媽仲發現小朋友眼邊有好多白色分泌物。起初媽媽以為係常見嘅結膜炎,於是幫小朋友滴消炎眼藥水,但唔見情況好轉,分泌物依然多,對眼依然癢。所以媽媽決定帶小朋友去醫院求醫,醫生一睇嚇一跳,原來小朋友對眼睫毛根位置有好多似蟲物體喺度郁嚟郁去,眼瞼位更有少許血塊。經檢查後,醫生話小朋友被傳染咗陰虱,而白色汾泌物其實係蟲卵。陰虱主要寄生喺眼部,由於蟲體多位於睫毛根部,唔易被察覺,以吸食血液為生。被奇生嘅患者會覺得對眼唔太舒服、痕癢、紅腫及分泌物多等,陰虱繁殖力非常強,若唔及時清除,有機佰損傷瞼板腺。

 

外出外進食前要洗手

陰虱通常由傳染而得來,家長為小朋友健康著想,每次帶佢哋外出或遊玩或者接觸公共物品後,提醒小朋友要洗手,減低將有害健康嘅細菌垢物帶回家嘅可能。另外,食飯前要洗手,唔好捽眼、唔好同其他人共用毛巾、洗漱用品等,養成良好個人衞生習慣。

 

 

你或會有興趣的相關文章:

英超市手推車播病毒  勤洗手防染諾沃克病毒

如廁後洗手≠雙手乾淨 3個公廁染菌高危位

 

 

TEXT: MaryLin

相關文章
黃大仙區11人染退伍軍人病│污染水點和霧氣可傳病黃大仙區11人染退伍軍人病│污染水點和霧氣可傳病 沖廁蓋廁板防菌未夠架!記住定期用漂白水洗廁沖廁蓋廁板防菌未夠架!記住定期用漂白水洗廁 肺炎病毒可經接觸傳播│家居5個藏菌黑點│記住消毒!肺炎病毒可經接觸傳播│家居5個藏菌黑點│記住消毒! 【連結懶人包】消委會公開免費下載 口罩、搓手液等防疫產品測試報告 | 武漢肺炎【連結懶人包】消委會公開免費下載 口罩、搓手液等防疫產品測試報告 | 武漢肺炎 天氣凍打邊爐暖笠笠                   唔想肥緊記7大要點天氣凍打邊爐暖笠笠 唔想肥緊記7大要點 心源性猝死年輕化        常發生在冬天及清晨時分心源性猝死年輕化 常發生在冬天及清晨時分 唔夠人早搶到口罩...過期口罩用唔用得?唔夠人早搶到口罩...過期口罩用唔用得? 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處