牛奶飲品唔同鮮牛奶 買奶睇標籤睇真啲| likemagazine.com.hk
Beauty & Health
牛奶飲品唔同鮮牛奶		買奶睇標籤睇真啲

牛奶飲品唔同鮮牛奶 買奶睇標籤睇真啲

有日行超市為家中糧餉入貨,同行小朋友好奇一問:「又話牛奶要放雪櫃保鮮?點解有啲牛奶就咁放喺陳列架就得,唔會壞咩?」好奇係追求知識嘅重點,小朋友都問得好,相信呢條問題,好多成年人未必知答案。原來市場上出售嘅包裝「牛奶」,未必係百分百牛奶,有可能係還原奶或加咗其他成分嘅「牛奶飲品」;而且按採用不同消毒法,儲存方式都唔同。你係咪真係識分?

 

約牛奶VS牛奶飲品

市面上買到嘅牛奶產品,大致可分為「純牛奶」及「牛奶飲品」兩種。牛奶即係純牛奶,包括離脂奶和忌廉,牛奶奶脂不得少於3.25%。牛奶飲品則係指將流質奶脂,同由牛奶衍生嘅其他固體合成嘅飲品。奶類飲品所含奶脂不得少於0.1%

 

消毒方法VS保存方法

無論係「牛奶」或「牛奶飲品」都必須經過消毒殺菌,消毒方法一般有兩種:「巴士德消毒法」或「消毒法」處理。「巴士德消毒法」以攝氏6072度高溫殺死牛奶內細菌,然後立即冷卻牛奶至攝氏10度以下。呢種方法雖然能殺死牛奶產品內絕大部分的細菌,但未能使細菌孢子變得不活躍。換言之以巴士德法消毒的產品仍然含有少量細菌,必須保存在4℃或以下,一般可保質只有23星期,但好處係能較好保存牛奶嘅營養和風味。由於較新鮮,所以一般稱呢種牛奶為鮮牛奶。有啲進口品牌為延長牛奶保鮮期,會採用「延長保質期超巴士德消毒法」,使保質期長達3090日不等,但由於所用嘅殺菌溫度比傳統巴士德消毒法為高,部分水溶性維他命會在過程中流失。

 

另外,有部分牛奶產品採用「消毒法」,以不低於攝氏132度保持至少1秒殺死牛奶產品中絕大部分細菌,並使細菌孢子變得不活躍。用呢種方法殺菌嘅牛奶產品又叫UHT牛奶,未開封下可在室溫保質69個月,但缺點係可能令味道和質感改變,而且會流失部分水溶性維他命。

 

脫脂牛奶非百分百牛奶

牛奶飲品有營有益,但追求健康嘅人又怕飲奶會肥,所以市場上出現脫脂奶和低脂奶。呢類牛奶飲品由於部脂肪成分被抽取,所以會加入乳化劑、穩定劑等喺成分裡面,所以唔算係百分百牛奶。另外,有啲牛奶飲品標榜加入其他營養成分,如維他命、鈣質等,由於成分唔係單純牛奶,所以盒面會寫係牛奶飲品,而唔係百分百牛奶。

 

 

你或會有興趣的相關文章:

補充鈣質點止飲奶  芝麻/硬豆腐/杏仁仲高鈣

單飲牛奶補鈣效果有限  芝麻抹茶加牛奶健骨更強

 

 

 

TEXT: MaryLin

相關文章
減肥要食得飽又滿足│日本營養師推介:南瓜高纖熱量低減肥要食得飽又滿足│日本營養師推介:南瓜高纖熱量低 入廚新丁問題天天多   雞蛋室溫定冷藏保存?入廚新丁問題天天多 雞蛋室溫定冷藏保存? 快速解辣飲水唔得架!真正解辣靠呢啲快速解辣飲水唔得架!真正解辣靠呢啲 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 抗疫關鍵時刻│出街戴口罩│返家後即做4動作抗疫關鍵時刻│出街戴口罩│返家後即做4動作 冬天皮膚乾到癢             點揀點搽潤膚膏至好呢?冬天皮膚乾到癢 點揀點搽潤膚膏至好呢? 勤洗手雙手易變乾│潤手霜護手要點揀?勤洗手雙手易變乾│潤手霜護手要點揀? 常運動抗衰老                  研究:跑步半年血管逆齡4年常運動抗衰老 研究:跑步半年血管逆齡4年