驅寒強身玩手指就得? 手指瑜伽郁郁手指行氣血| likemagazine.com.hk
Beauty & Health
驅寒強身玩手指就得?	手指瑜伽郁郁手指行氣血

驅寒強身玩手指就得? 手指瑜伽郁郁手指行氣血

成日都話要健康,不過一講到要食呢樣、做嗰樣,而且要持之以恒,好多人就會褪軚,只係得把口講。如果你自問係當中一人,懶到無朋友,但真心想擁抱健康,其實都唔係無方法,聽過手指瑜伽未?人體內嘅血液,負責輸送氧氣和養分去到身體唔同部分。好多人血液循環唔好,血難去到手、腳等末稍神經,所以造成體寒。身體虛寒,身體狀況就唔好。所以,有話按摩有助促進全身血液循環,只要血氣運行暢通,全身都暖起嚟。按摩唔一定全身做,簡單郁下手指都得!

 

手指連接全身各部位

手指瑜伽嘅原理同按摩穴位如足底按摩有啲類近,由於手指同身體各部位緊密相連,當郁動按摩一下手指,就能刺激對應嘅身體部位,反應喺自律神經上,提升內臟功能,改善健康。手指瑜伽重點放鬆左右手嘅3隻手指:中指、大姆指和小指。做動作前記得深吸一口氣,然後一邊做一邊慢慢吐氣。全套動作共有5個,先做左手中指、大姆指和小指,然後轉手,右手做一套動作。

 

1 放鬆手指

伸直左手中指,用右手抓住第一關節,左右扭動約20下,放鬆整個關節。然後 以相同方法扭轉中指的第二關節約20次。再 以相同方法扭轉中指的指根20次,讓整隻指頭放鬆。

 

2 拗手指

 抓住中指的指尖,從根部慢慢往後拗20下。

 

3 拉手指

 右手手指抓住左手中指用啲力向前拉,拉到頂後放手。

 

4 按摩手指

右手指尖從左手中指嘅根部到指尖,來回摩擦10次。

 

5 反折手指

左手手掌朝上,右手手指抓住左手中指嘅指尖,將左手連同手腕往下扳。重複3次。

 

6 捲手指

左手手掌朝下,右手手指捉住左手中指嘅指尖,將佢向內摺卷起來。做3次後。

 

動作簡單,日常搭車、聽歌、睇電視時可以做,或者平日工作忙到要唞唞氣,休息時做下,都有助放鬆。雖然成效未必好明顯或即時見到,但唔使你額外花持間做,又唔係太勞動耗體力,何樂而不為?健康從來在你手。

 

參考資料:https://www.edh.tw/article/17891/2

 

 

你或會有興趣的相關文章:

運動前食蕉增耐力  運動後食蕉防抽筋

早上先運動後食早餐  燃燒脂肪成效更高

 

 

 

TEXT: MaryLin

相關文章
5款高糖健康食品陷阱                               以為食得健康其實中晒伏5款高糖健康食品陷阱 以為食得健康其實中晒伏 過量飲用感冒熱飲可損肝                         易入口都係藥無病咪飲過量飲用感冒熱飲可損肝 易入口都係藥無病咪飲 晨早起床飲杯水  應該刷牙前定後?晨早起床飲杯水 應該刷牙前定後? 新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 身體僵硬危害心血管健康         1個伸展動作軟體鬆肌身體僵硬危害心血管健康 1個伸展動作軟體鬆肌 膳食纖維係人體清道夫                              紅腰豆比蘋果連皮更多纖維膳食纖維係人體清道夫 紅腰豆比蘋果連皮更多纖維 立冬進補暖身禦寒        健康補身素版大補湯立冬進補暖身禦寒 健康補身素版大補湯 膝頭長期受壓 上落樓梯嘅方法,你真係識?膝頭長期受壓 上落樓梯嘅方法,你真係識?