咪以為扭親係小事 欠治理致關節纖維化| likemagazine.com.hk
Beauty & Health
咪以為扭親係小事		欠治理致關節纖維化

咪以為扭親係小事 欠治理致關節纖維化

每日行出行入,我哋都想出入平安,但係路上狀況難預料,加上意外就係意外,總有機會差錯腳,唔小心「拗柴」!有時,我哋自覺「拗柴」唔太嚴重,痛一陣就唔理佢。但原來拗柴未必如我哋所想咁輕微,可能已傷及韌帶筋腱。若同一位置多次拗柴,治理不當,更可能造成關節纖維化,唔單止影響活動能力,更可能形成骨刺,手尾好長。

 

扭新分三級

我哋平時所講嘅「拗柴」,即係指腳腕過度向外或內翻,以致拉傷筋骨。其實腳腕扭傷可以分為3級。第一級,腳腕外觀睇落無乜太變化,或者摸上去有少少熱熱地,有些微腫。呢種拉傷算輕微,通常休息約2星期左右就會 好番。第二級屬中度拉傷,韌帶被拉到超出負荷,有撕裂但未斷,關節會腫起,甚至瘀血。行路會趷趷下,痛得厲害。第三級係嚴重拉傷,韌帶斷裂,腳抬地即勁痛,行都行唔到。關節好腫,而且瘀黑。

 

PRICE減緩痛楚

如果屬輕微扭傷,盡理讓腳踝休息一下,並且手冰敷,可去腫減痛。扭傷得較嚴重嘅話,可以PRICE療法,先緩減痛楚,然後盡快求醫,得到合適嘅醫治。

PProtection保證,保固患處。

RRest休息,避免郁動到患處,讓患處休息。

I Ice冰敷,有助止痛。

CCompression施壓,用彈性繃帶包紮患處。

EElevation抬高,用枕頭等物抬高,減減低水腫形成。

 

持續痛要及時求醫

即使係輕度拗柴,當刻行得走得唔覺痛,但扭親後都要密切留意患處情況有無惡化。若果之後覺痛,而且痛楚持續無改善,就要盡快求醫。延誤治理。若同一位置多次拗柴,治理不當,更可能造成關節纖維化、失去彈性及關節僵硬,唔單止影響活動能力,例如行路或行樓梯時你會覺得對腳唔太順,有嘢「梗住」,嚴重更可能生骨刺,手尾好長。所以大家要記住,受咗傷一定要正視,把握黃金治療時機,就可加快痊癒。

 

 

你或會有興趣的相關文章:

新手爸媽忽視致意外  6個幼兒受傷家居陷阱

燙傷急救勿敷冰  先沖水降溫避整穿水泡

 

 

TEXT: MaryLin

相關文章
秋風起雙唇甩皮             臨瞓搽油護唇好WORK秋風起雙唇甩皮 臨瞓搽油護唇好WORK 秋冬美顏抗衰老飲品|蘋果櫻桃玫瑰花飲秋冬美顏抗衰老飲品|蘋果櫻桃玫瑰花飲 適量飲啤酒一樣對健康好         女性1日杯男性1日兩杯適量飲啤酒一樣對健康好 女性1日杯男性1日兩杯 舊樓水管生銹藏菌污染食水                    定期檢查換銹喉保健康舊樓水管生銹藏菌污染食水 定期檢查換銹喉保健康 3分鐘素食食譜  香蕉奇異果燕麥飲3分鐘素食食譜  香蕉奇異果燕麥飲 天氣轉手腳冰冷             食番薯暖包放穴位保暖天氣轉手腳冰冷 食番薯暖包放穴位保暖 台婦人山水漱口吞水姪              行山安全計忌接觸野山水源台婦人山水漱口吞水姪 行山安全計忌接觸野山水源 每天6分鐘就得! 下半身瘦下來!瘦臀瘦腿練習每天6分鐘就得! 下半身瘦下來!瘦臀瘦腿練習