崇尚環保天然風用木餐具 無塑無漆真無毒健康嗎?| likemagazine.com.hk
Beauty & Health
崇尚環保天然風用木餐具		無塑無漆真無毒健康嗎?

崇尚環保天然風用木餐具 無塑無漆真無毒健康嗎?

加工、化學、有毒……大眾追求健康,對標榜「天然」嘅物品特別感興趣。除咗化妝品、護膚品、食品外,連餐具都刮起「天然風」。普羅大眾聞「膠」色變,本來塑膠造餐具衞生方便,但近年有人支持環保,又有人擔心塑膠釋毒,於是採用天然材質造嘅餐具如木餐具獲青徠。不過,木餐具真係環保又對健康好嗎?

 

有漆VS無漆

市場上好多以木製嘅餐具都標榜用100%原木造,散發濃濃田園風,吸引追求天然無添加嘅消費者選購。木餐具可分為「上漆」和「沒上漆」兩種。上咗漆嘅餐具表面較光滑,上漆目的為防止外界物入侵,保養也比較方便。所用嘅漆,大多為生漆,生漆係萃取自漆樹嘅天然樹脂,如沒有添加其他化學物,一般都安全食用。

 

至於未上漆嘅餐具,觸感較具質感,有種樸實感覺。選用無上漆嘅木餐具,雖然唔使擔心甩漆問題,但使用時就要多加注意。首先,木材有吸水嘅特質,而且木本身有很多肉眼睇唔到嘅細窿,用後必要小心處理,包括:用完即清洗,而且唔可以浸水,必要待木餐具完全吹乾先可以收納。如果發現木餐具出現變色、發霉、有裂紋或破損,就要立即更換。木餐具上的細微空隙都係細菌滋生嘅溫床。餐具用來食嘢,木餐具藏菌,即係將菌送入肚,為健康帶來風險。如果堅持天然最好,堅持要用無漆木餐具,又想用得安心一啲,買返嚟後就要花啲時間做保護工夫。新木餐具先潔洗一下,然後晾乾。橄欖油和白醋以2:1比例混合,之後用廚房紙沾啲混合液擦拭完全乾透嘅木餐具,令餐具表面有一層保護層,便可更耐用。

 

延長木餐具壽命注意事項

如要延長木餐具嘅「壽命」,使用時有幾點要注意。首先,木餐具忌高溫,如用作盛載油炸食品,建議墊張牛油紙,或者美觀一啲,在油炸物下放點菜蔬作墊,避免食物直接接觸木餐具。另外,避免用木餐具盛載顏色汁醬類食物如:咖喱、瑞士汁、番茄醬等,色素走進木餐具裡,便會留漬,難洗走。第三,木碟木碗等只用作上枱食物用,唔好用嚟載食物放入微波爐加熱,或者儲存食物然後放雪櫃,甚至放進洗碗碟機清洗,溫度太高或太低都會影響木餐具質素,出現爆裂或變形。最後,木餐具除了靠原始味吸引消費者,亦有部分更會油上塗料,加添圖案,增美觀度。使用呢類美工化嘅木餐具時,要留意塗漆有無損毀破裂,盡量唔好刮到表面,以免塗料剥落,唔小心食咗落肚,影響健康。

 

 

你或會有興趣的相關文章:

經常食快餐影響生育  外賣包裝含永久化學物

走塑吖,唔該!

 

TEXT: MaryLin

相關文章
瞓醒總覺周身痛│ 可能因為瞓覺無翻身!瞓醒總覺周身痛│ 可能因為瞓覺無翻身! 上班族用眼過度累又乾│簡易3招護眼舒緩不適上班族用眼過度累又乾│簡易3招護眼舒緩不適 去廁所便便時玩手機   久坐馬桶易便秘生痔瘡去廁所便便時玩手機 久坐馬桶易便秘生痔瘡 體溫幾多度先係發燒?              耳探量體溫原來有技巧!體溫幾多度先係發燒? 耳探量體溫原來有技巧! 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 揀錯蔬菜一樣食肥人!              6款低熱量蔬菜揀錯蔬菜一樣食肥人! 6款低熱量蔬菜