聚會食盆菜中毒屢發生 安全食用盆菜要點| likemagazine.com.hk
Beauty & Health
聚會食盆菜中毒屢發生	安全食用盆菜要點

聚會食盆菜中毒屢發生 安全食用盆菜要點

來到年尾,派對聚會特別多。為減少籌備嘅煩惱,近年愈來愈多人喺聚會中訂盆菜,貪一個盆內有多款餸菜,非常豐富,有菜有肉,滿足不同人口味和要求。盆菜食用方便,但過去多年屢次發生食盆菜中毒事件,令人關注外賣盆菜嘅健康衞生問題。唔想禍從口入,訂購和進食時有幾點要注意。

 

調查結果滿意

食安中心最近完成一項盆菜微生物含量嘅調查,早前從唔同零售商,包括網上零售商抽取30個盆菜樣本,檢測較常引致食物中毒的致病菌含量,包括蠟樣芽孢桿菌、產氣莢膜梭狀芽孢桿菌、沙門氏菌、凝固酶陽性葡萄球菌及副溶血性弧菌,結果全部樣本通過檢測。不過,中心建議市民選購及進食時仍需小心,以減低食物中毒風險。

 

翻熱至好食

首先,凡訂購食品,為安全計,應向持牌及可靠嘅商舖訂購。近年網購美食流行,但有不少商戶其實係無牌經營,其食物製造環境、食品質素、食物來源成疑,向呢啲商戶買盆菜,為健康帶來風險。提取盆菜時間,最理想為食用前半小時至1小時,避免盆菜擱置喺室溫太久變壞。另外,進食盆菜前,要徹底翻熱。雖然盆菜內的餸菜本來已經整熟,但因經過運輸和儲存,即使送到嚟暖暖地,都建議大家花少少時間翻熱盆菜先好食,用熱力殺死致病細菌。由於盆菜體積大,而且內裡食物多又層層疊,翻熱需時,要耐心等待,熱透先好食。進食期間,最理想將盆菜保持攝氏60度以上,千祈唔好將盆菜放喺室溫太耐,否則溫暖嘅盆菜係細菌繁殖嘅溫床。如果發現盆菜有異味或異樣,就唔好冒險食落肚。盆菜翻熱後應盡快食用。進食時,最好用公筷和公羹,減低口水傳染疾病機會。盆菜最好一次過食完,萬一分量真係太多食唔晒,要留低保存嘅話,建議將盆菜內嘅餸菜用小盒子分裝好,再放雪櫃在攝氏4度或以下儲存。

 

 

你或會有興趣的相關文章:

男子用保溫瓶中毒失智  教你清洗除臭要點

咁先夠「滑蛋」?滑蛋未煮熟增食物中毒風險!

 

 

TEXT: MaryLin

相關文章
減肥要食得飽又滿足│日本營養師推介:南瓜高纖熱量低減肥要食得飽又滿足│日本營養師推介:南瓜高纖熱量低 為健康加油做瑜伽│消委會: 9成瑜伽墊含有/釋出有害物為健康加油做瑜伽│消委會: 9成瑜伽墊含有/釋出有害物 以為藍光搞到瞓唔到?              其實黃光更令人醒神以為藍光搞到瞓唔到? 其實黃光更令人醒神 補鈣唔係老人和女人專利         鈣搭配維他命D效果更佳補鈣唔係老人和女人專利 鈣搭配維他命D效果更佳 踢走豪華臀!每天只需4分鐘修臀及瘦臀練習踢走豪華臀!每天只需4分鐘修臀及瘦臀練習 天冷飲乜熱飲最暖身?薑湯竟然輸俾熱朱古力天冷飲乜熱飲最暖身?薑湯竟然輸俾熱朱古力 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機 脾開竅於口其華在唇│跟中醫觀唇色了解健康脾開竅於口其華在唇│跟中醫觀唇色了解健康