羽絨被勁暖非人人啱冚 外國中佬羽絨過敏呼吸困難 | likemagazine.com.hk
Beauty & Health
羽絨被勁暖非人人啱冚	外國中佬羽絨過敏呼吸困難

羽絨被勁暖非人人啱冚 外國中佬羽絨過敏呼吸困難

天文台預報,下星期氣溫將跌到十多度,大家要注意保暖。天寒地凍,瞓覺唔想冷親,係時候拎定張厚被出嚟。市面出售嘅被芯填充料有不同質料選擇,除常見的羊毛外,仲有純棉、大豆纖維、蠶絲、合成纖維等。數到近年廣受歡迎嘅,有以輕薄保暖見稱嘅羽絨。寒冬天冚住張羽絨被,令人有種幸福感覺,但原來幸福背後可能有危機。據講喺外國有一名中年男子換咗羽絨寢具後,出現極度疲勞和呼吸困難問題,健康狀況下降。原來羽絨被未必人人都可以用架!

 

羽毛引起免疫反應

據外國媒體報道,呢名男子自從換咗羽絨寢具後,一直瞓得唔好,瞓極都覺攰。佢唔止攰到無力返工要請病假,就算喺屋企返上房瞓覺,行樓梯要用上數十分鐘,因為行兩級就要坐低唞氣。佢發覺條氣唔多順,呼吸有困難。健康問題持續約3個月,令佢飽受折磨,佢先的起心肝去睇醫生。起初醫生話佢係一般下呼吸道感染,但因為健康問題持續,佢再去醫院求診時,醫生就發現佢來患有嚴重肺炎。經詳細詢問及血液檢查後,醫生指問題源於羽毛引起嘅免疫反應。當男子食藥及換過一批以低過敏性合成材造嘅寢具後,佢個病就慢慢好番。

 

自我測試係咪羽絨過敏

用羽絨被有可能過敏影響健康,有人急急腳想扔晒屋企嘅羽絨被和枕頭,但專家叫大家唔使咁擔心,只要使用羽絨被後出現咳嗽、呼吸困難等症狀先要咁做,以及早求醫;其他人只要定期清洗羽絨被,確保衞生便可。如果唔知自己係咪對羽絨敏感,做個簡單測試就知道。首先喺一啲羽絨製品裡抽條羽絨出嚟,將羽絨貼放喺皮膚上一陣,如果有瘙癢、紅腫等反應,即係你對羽絨過敏,建議遠離內有羽絨嘅物品。

 

 

你或會有興趣的相關文章:

羽絨褸唔一定要乾洗  教你自家水洗羽絨方法

枕頭多久才洗一次?  原來枕頭是這些東西的溫床

 

 

TEXT: MaryLin

相關文章
唔好畀對手出賣你年齡              護手霜咁搽先有功效唔好畀對手出賣你年齡 護手霜咁搽先有功效 揀錯蔬菜一樣食肥人!              6款低熱量蔬菜揀錯蔬菜一樣食肥人! 6款低熱量蔬菜 罐頭食物唔健康?                        罐頭魚和番茄比天然食物更有營罐頭食物唔健康? 罐頭魚和番茄比天然食物更有營 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機 新手扮大廚	炒飯炒蛋定炒飯先?新手扮大廚 炒飯炒蛋定炒飯先? 冬天心血管病病發高   多食4種食物護心冬天心血管病病發高 多食4種食物護心 戴運動手表改善健康?                    研究:減肥效果唔見更好戴運動手表改善健康? 研究:減肥效果唔見更好 冬天指甲邊常生倒刺                        美甲師教你防生倒刺方法冬天指甲邊常生倒刺 美甲師教你防生倒刺方法