洗碗海綿藏菌逾3百種 定期更換咪等到發臭先扔| likemagazine.com.hk
Beauty & Health
洗碗海綿藏菌逾3百種		定期更換咪等到發臭先扔

洗碗海綿藏菌逾3百種 定期更換咪等到發臭先扔

生活裡很多細節,沒留意不小心,便對健康構成危機。其中一個很多人不為意嘅細菌溫床,就是用嚟洗碗嘅海綿。我哋洗碗時習慣用海綿輔助起泡及抹擦,去油去污,當你以為咁樣會乾淨啲,原來咁會積菌喺海綿。如果呢塊海綿無定期更換,就會將細菌帶番落碗碟,洗咗碗都唔乾淨,仲影響健康添!

 

海綿長期濕潤成細菌溫床

德國有大學做過研究,發現洗碗海綿上至少有362種細菌,當中包括常見致病的細菌,有啲細菌更可於乾燥環境下生存。海綿成為細菌溫床,原因之一係海綿長期濕潤。雖然有人習慣洗碗後,再以洗潔精加水清潔一下海綿,或者用熱水沖一下海綿,但咁做都未能徹底殺菌。研究更指,如果海綿常浸喺肥皂水和用作清潔微波爐,海綿藏有嘅莫斯克氏菌的細菌會更多,呢種菌一般情況下無害,但對免疫系統較弱嘅人嚟講,就易受到感染。

 

就算無爛無臭都要換

唔想因海綿積滿細菌而為健康帶來風險,最好做法係喺定期更換海綿。好多家庭主婦習慣用到塊海綿又霉又爛,甚至發臭先掉咗佢,以為咁係慳家,其實隨時害死一家。一塊洗碗海綿不過十元八塊,就算睇落「靚仔」無污糟,為健康計,定期換咗佢比較好。另外,洗碗時,建議先用水沖走碗碟上嘅食物殘渣,之後海綿加洗潔精擦碗碟,去油污,再過清水。如遇頑固油漬,洗碗前先用熱水浸泡一下碗碟,有助法油污。

 

洗碗海綿只用來洗碗

另外,廚房係煮食嘅地方,有食物便有營養,自然係細菌最愛匿藏嘅地方之一。唔想廚房養菌,一啲煮食清潔壞習慣要改。例如千祈唔好用洗碗海綿嚟抹擦碗碟以外的東西,例如用嚟洗走蔬果上的泥垢或灰塵、用作抹淨枱面嘅果汁或牛奶、清走食物殘渣等。洗碗的海綿只能用作洗碗,其他用途應該用另一塊海綿。有人以為洗乾淨海綿就無問題,前先講過,清洗唔一定可以殺菌,唔做好工具分類用途,細菌就惹到周圍都係。

 

 

TEXT: MaryLin

相關文章
唔開心喪食雪糕發洩	攝糖太多愈快樂愈失落	唔開心喪食雪糕發洩 攝糖太多愈快樂愈失落 新手扮大廚	炒飯炒蛋定炒飯先?新手扮大廚 炒飯炒蛋定炒飯先? 經常唔食魚缺碘大頸泡                              狂食紫菜零食小心甲亢經常唔食魚缺碘大頸泡 狂食紫菜零食小心甲亢 飲夠水更聰明                  定時補水咪等口渴先飲水飲夠水更聰明 定時補水咪等口渴先飲水 阿媽靠嚇鼻孔愈挖愈大              實情怕你挖鼻整傷受感染         阿媽靠嚇鼻孔愈挖愈大 實情怕你挖鼻整傷受感染 牛奶飲品唔同鮮牛奶                   買奶睇標籤睇真啲牛奶飲品唔同鮮牛奶 買奶睇標籤睇真啲 飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪 瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠