羽絨褸唔一定要乾洗 教你自家水洗羽絨方法| likemagazine.com.hk
Special
羽絨褸唔一定要乾洗		教你自家水洗羽絨方法

羽絨褸唔一定要乾洗 教你自家水洗羽絨方法

雖然近年香港冬天唔太凍,但當氣溫跌到十多度,怕凍嘅人都著薄身羽絨褸保暖。羽絨好處係又輕又薄又保暖,但有人嫌清洗麻煩,下下拎去洗衣舖乾洗,費用好甘!喂,邊個話羽絨褸一定要乾洗?自己喺屋企用水洗都得,只要你識得清洗方法。

 

溫水洗最好

無可否應,清洗羽絨時,要加倍留神,因為錯誤清洗,恨錯難返,走樣、變硬、羽絨走晒出嚟,就無得救。清洗羽絨褸前,有幾點要留意。首先要check下衣物標籤,如有可手洗或洗衣機洗嘅標誌,就可以自己清洗喇!另外要留意係,衣物嘅物料係咪用上會褪色布料,如果係,你要衡量一下係咪真係決定用水洗。一般嚟講,用中性洗衣劑就可以,千祈唔好用加入漂白劑或柔順劑嘅洗衣液。清洗時,熱水一定唔可以,唔可以,唔可以,重要事情講三次!羽絨怕熱都怕冰,所以冷水都唔好,建議用溫水。

 

手洗切勿扭乾

先將適量洗衣液加入約30度溫水中混合。將羽絨褸摺疊好,然後放入洗衣液內,由於羽絨內有空氣,所以放入水裡時會脹起,用手掌按壓一下,使整件羽絨浸濕,並重覆輕輕按壓,擠出髒物污垢洗走。另外,領口、袖口位等較污糟,可以用手輕揉一下,洗走污漬。之後,倒走污水,再開一般清潔嘅溫水,按壓一下羽絨褸,將污水壓出來,換水幾次。如果嫌換盤換水麻煩,直接耐羽絨褸放到花灑頭下,用水沖走皂水至乾淨都可。跟住,將羽絨褸放在大毛巾上,通過按壓毛巾來吸乾羽絨褸裡嘅水分。千祈唔好扭擰羽絨褸,濕咗嘅羽絨最容易變形,一擰走晒樣,件褸扔得。壓走水分後,就將羽絨褸放喺通風地方吹晾至乾透。乾咗後,輕拍打一下羽絨,使羽絨纖維鬆散起來,保暖效果更好。

 

洗衣機洗要入袋

如果自認懶人,手洗羽絨褸太麻煩,放入洗衣機洗都得,不過記住入洗衣袋,可以嘅話用溫水。當洗衣機到咗脫水程序,先停機,在洗衣槽內放入乾毛巾同脫水,有助吸收羽絨褸嘅剩餘水分。完成洗衣後,盡快將羽絨放喺通風地方晾乾,否則仍然微濕嘅羽絨褸被其他衣物壓住,好易變形。

 

 

你或會有興趣的相關文章:

男子用保溫瓶中毒失智  教你清洗除臭要點

天氣轉手腳冰冷  食番薯暖包敷穴位保暖

 

 

TEXT: MaryLin

 

相關文章
世界最恐怖鬼屋嚇破膽              成功挑戰可得2萬美元世界最恐怖鬼屋嚇破膽 成功挑戰可得2萬美元 日本百貨標籤「經期」女店員                               本意促關懷但引網民激鬧日本百貨標籤「經期」女店員 本意促關懷但引網民激鬧 納米屋換季執衣櫃                        5要點防蟲防霉防異味納米屋換季執衣櫃 5要點防蟲防霉防異味 英女創研魚鱗造塑膠       強韌低密度可自然分解英女創研魚鱗造塑膠 強韌低密度可自然分解 青年宿舍1月4日截申請          獨居百幾呎每月只$4XXX青年宿舍1月4日截申請 獨居百幾呎每月只$4XXX 台網民選最有出息工作              房東被公認最夢幻台網民選最有出息工作 房東被公認最夢幻 香港海底垃圾多花款   鬼網成隱形殺手香港海底垃圾多花款 鬼網成隱形殺手 澳洲山火樹熊受災        眾籌助養救樹熊澳洲山火樹熊受災 眾籌助養救樹熊