買咖啡豆自家煮咖啡 要咁儲存先保鮮存味| likemagazine.com.hk
Special
買咖啡豆自家煮咖啡		要咁儲存先保鮮存味

買咖啡豆自家煮咖啡 要咁儲存先保鮮存味

咖啡香氣濃郁,晨早飲杯好提神。有人鍾情咖啡,唔止天天要飲,仲買咖啡豆自家磨研自己煮,沖出一杯完全合符個人口味嘅咖啡。市場上有各式各樣來自不同產地及不同烘焙程度嘅咖啡豆,難得買到心頭愛,都要識得點儲存咖啡豆,先可以留住咖啡最佳味道。儲存咖啡豆有幾個重點,你又知道嗎?

 

唔好放雪櫃

好多人買咖啡豆返屋企後,諗住要保鮮,於是立即將咖啡豆放入雪櫃,但咁做原來會令咖啡豆香氣流失。當你每次從雪櫃裡拎豆出嚟沖,然後將剩餘豆放回雪櫃,一入一出,溫差容易令咖啡豆變質。尤其咖啡豆仍在發酵中,雪櫃嘅低溫會令佢停止發酵。其實,正常情況下,咖啡豆放喺室溫就可以。買返嚟嘅咖啡豆,如果你將會長時間唔用,放雪櫃冷藏係可以。不過,咖啡豆都係新鮮盡快用完喝完最好,新鮮味道最香濃,過氣就無晒風味。

 

原袋儲存易變質

有人習慣買咖啡豆返屋企後,直接將包裝開封後,以原袋袋住咖啡口,然後以為將封口卷起黏實,便可以存氣存味。其實咖啡豆烘焙好後分裝封袋,會喺包裝袋內釋放二氧化碳,產生氣味。當包裝袋一打開,裡面嘅氣味就會同空氣接觸結合,製造唔好嘅物質,如果你繼續將咖啡豆放在原袋裡,然後卷起封口,有機會令咖啡豆變質。

 

落本用玻璃密封罐

真係喜歡品嚐咖啡嘅美味,建議你落少少本,買個玻璃密封罐儲存咖啡豆。玻璃罐放喺室溫下,唔好被陽光、光線直接照射到嘅地方。每次打開玻璃罐取咖啡豆,動伯要快,否則空氣裡嘅濕氣入咗罐,會影響咖啡豆嘅新鮮度,甚至受潮破壞品質。

 

 

你或會有興趣的相關文章:

港女缺鐵易疲倦臉青青 食飯配茶啡影響鐵吸收

眼鏡界新潮可持續眼鏡  咖啡渣洗頭水樽造鏡框

 

 

TEXT: MaryLin

相關文章
【飲食情報】旺角露天酒吧$99任食雞翼90分鐘│加碼食埋薯條甜品每位$149【飲食情報】旺角露天酒吧$99任食雞翼90分鐘│加碼食埋薯條甜品每位$149 【飲食情報】尖沙咀凱悅全新法式千層酥│必試!港式奶茶口味【飲食情報】尖沙咀凱悅全新法式千層酥│必試!港式奶茶口味 當造車厘子塔斯曼尼亞貨最熱賣│皮脆肉甜爆汁車厘子要咁揀當造車厘子塔斯曼尼亞貨最熱賣│皮脆肉甜爆汁車厘子要咁揀 美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗 灣仔慢活主題咖啡店│香港本土食材煲咖啡灣仔慢活主題咖啡店│香港本土食材煲咖啡 【飲食情報】悉尼人氣越南湯粉店進駐西營盤│30斤牛骨熬湯每日新鮮製【飲食情報】悉尼人氣越南湯粉店進駐西營盤│30斤牛骨熬湯每日新鮮製 中環Kyoto Joe日式素食放題│$380兩小時任食爐端燒炸物等中環Kyoto Joe日式素食放題│$380兩小時任食爐端燒炸物等 【飲食情報】薄餅名店Amalfitana中環開分店│特製煤氣烤爐焗手工薄餅【飲食情報】薄餅名店Amalfitana中環開分店│特製煤氣烤爐焗手工薄餅