運動前食蕉增耐力 運動後食蕉防抽筋 | likemagazine.com.hk
Beauty & Health
運動前食蕉增耐力		運動後食蕉防抽筋

運動前食蕉增耐力 運動後食蕉防抽筋

運動強健身體,但運動耗體力,有人喜歡運動前食蕉,話可以令運動耐力提升。不過,有傳言話,做運動前食蕉會傷害心臟,又有傳言話運動後食蕉好易肥,究竟係真唔係真呢?

 

富含醣供能量

運動前食香蕉有助提升運動耐力,作怪嘅係香蕉裡嘅醣類。要運動發揮得好,爆發肌肉力量,除咗蛋白質之外,醣類都好重要。醣類能加速蛋白質合成,減少肌肉流失。而香蕉富含碳水化合物,即係醣類,能為身體提供能量,所以運動前12小時食定蕉,有助增加耐力及表現。有留意到嗎?馬拉松比賽期間,普遍都會提供香蕉給運動員補充能量。原因係香蕉含大量碳水化合物,加上易攜帶易食唔使咀嚼,唔會太影響運動員作賽。不過,若你本身腸胃功能唔好,或者對香蕉等產氣食物敏感,運動前食蕉唔太建議,因為當香蕉未完全消化就做運動,而做嘅運動屬高強度,便有機會因身體大動作搖動,令腸胃脹氣,感到不適。至於坊間流傳運動前食蕉傷心臟嘅講法,只要唔係食得過量,係無問題嘅。由於每100克香蕉含約26毫克鎂,食1條香蕉攝取嘅鎂不過係一日所需約78%。鎂係人體所需嘅重要礦物質,能穩定心跳、維持人體代謝等。因此適量食蕉,對身體健康有幫助。

 

富含鉀鎂補快補電解質

運動後食香蕉,又有乜好處呢?原來運動後,人體肌肉受壓,處於微損傷狀況,需要胰島素幫助肌肉恢復與合成,而碳水化合物可以促進胰島素上升,幫助體內胺基酸吸收進肌肉,增加蛋白質嘅合成。所以運動後食香蕉,可令身體快速獲得能量,有助肌肉修復及生長。另外,香蕉富含鉀和鎂,運動後大量流汗,電解質流失,食蕉有助解體渴,減少因電解質唔平衡而引起嘅抽筋。雖然運動後食蕉有好處,但有人嫌香蕉糖分高且高熱量,可能會致肥。諗多咗喇,香蕉嘅蛋白質和脂肪含量低,唔係勁食,正常食無咁易肥。而且運動後食蕉,其熱量反而能幫助修復受損嘅肌肉組織。

 

 

你或會有興趣的相關文章:

唔運動因為無時間?玩少啲手機就可以做運動

早上運動後食早餐 燃燒脂肪成效更高

 

 

 

 

TEXT: MaryLin

相關文章
飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪 想長壽,飲食要唔怕臭!│日食納豆降死亡率10%想長壽,飲食要唔怕臭!│日食納豆降死亡率10% 新春難拒美食誘惑        事後唔食晚餐減肥得唔得?新春難拒美食誘惑 事後唔食晚餐減肥得唔得? 跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 頻頻無記性可能係腦退化先兆│5個健腦Tips頻頻無記性可能係腦退化先兆│5個健腦Tips 一個套餐佔全日逾半熱量│研究:食快餐要健康要咁做一個套餐佔全日逾半熱量│研究:食快餐要健康要咁做 新春返內地防肺炎外   鼠疫都要留神                  新春返內地防肺炎外 鼠疫都要留神 新年傳統正月唔買鞋   買新鞋過年4項注意新年傳統正月唔買鞋 買新鞋過年4項注意