納米屋換季執衣櫃 5要點防蟲防霉防異味| likemagazine.com.hk
Special
納米屋換季執衣櫃		5要點防蟲防霉防異味

納米屋換季執衣櫃 5要點防蟲防霉防異味

天氣轉涼,到咗換季時候,衣櫃係時候執一執,將夏天衫打包,拎番啲冬天衫出嚟。呢個動作講起嚟輕鬆,但對大部分窩居嘅人嚟講,幾乎翻轉間屋!納米屋收納空間有限,點處置啲暫時唔著嘅衫好?收納時有乜要注意,先可以keep啲衫靚靚,下年拎出嚟著唔會有被蟲蛀、發霉等問題?以下重點要留意。

 

1 要留定掉諗清楚

自從網購和fast fashion 流行,買新衫成為好多注重打扮嘅人嘅日常。買買埋埋,一季著唔晒,屋企積埋成堆衫。屋企收納空間有限,潮流轉得快,慾望又無限,到咗換季,就要識得放下。意思係,到咗換季時,應該做一次review,認真逐見再睇一睇,邊件要留,邊件唔根本唔鍾意。分好類後,要留低嘅衫,先要確保已清洗乾淨,然後摺好。打算放棄嘅,究竟件衫舊到要掉去垃圾筒?抑或可以拎去回收或捐給慈善團體。唔要屋企積物太多,要趁呢個執衣櫃時刻,果斷做決定。

 

2 做好防蟲措施

唔想衣物下季拎出嚟著時,發現衫上多咗個窿,收起衣物前,必要做好防蟲措施。由於有啲蟲會喺織品上產卵,所以有日本洗滌專家建議,衣物收納前,最好用熨斗熨下,用高溫將蟲卵、幼蟲等整死,先好打包。

 

3 用壓縮袋增收納空間

衣櫃太細,衣物太多?你的救星就係壓縮袋。壓縮袋的原理係抽真空,將袋內衣物容積壓到最細,幫你騰出更多空間,收納更多衣物。市面有售嘅壓縮袋分兩種,一種是用吸塵機或手動式抽氣泵抽取袋內空氣;另一種係用人手或體重把袋內空氣壓出來。後者明顯係苦力工作,而且抽真空效果較前者差少少。

 

4 記得放抽濕包

將衣物放進壓縮袋或衣物袋內收納時,記著要喺袋內添放防蟲餅、乾燥包之類物品。香港天氣潮濕,咪以為冬天天氣乾燥唔使怕,衣櫃長年閂埋陰濕唔見光,其實全年都係潮氣重之地。唔想放進衣櫃裡嘅衣物有機會受潮、發霉,下季拎出嚟有陣難聞嘅霉味,就要做好功夫。除咗打包嘅衣物內放抽濕包,衣櫃內都建議放抽濕器、備長灰、防潮珠等。

 

5 配飾袋子用過一定要清潔

重視打扮嘅人,除咗會買很多新款時裝外,仲有唔少配飾、袋子等物品。記住,所有著過用過嘅物品,如要收納,一定要清潔,並放在通風吹過,確保無濕氣先好收起嚟。否則汗水、油脂等會「整壞」配飾袋子,發霉好尋常,含膠質嘅物品「甩皮」或黏合一起、含金屬部分變色變啞生鏽等都有可能。衣物配飾如有金屬部分或含膠部分,用布抹擦乾淨後,建議用「雪梨紙」等物包裹,雪梨紙有保護及吸濕作用。

 

 

 

你或會有興趣的相關文章:

運動後衣物沾汗易有菌  5個徹底清洗除菌tips

連續雨天衣物吹唔乾發臭  智能衣架殺菌烘乾除臭

 

 

 

TEXT: MaryLin

相關文章
年度素食界盛事│亞洲素食展月底重啟年度素食界盛事│亞洲素食展月底重啟 真正屬於香港人的中秋月餅│ 大歡喜餅家傳統廣式月餅真正屬於香港人的中秋月餅│ 大歡喜餅家傳統廣式月餅 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景 萬聖節扮鬼又點南瓜燈│你知道點解嗎?      萬聖節扮鬼又點南瓜燈│你知道點解嗎? 南涌出發1小時達屏嘉石澗 | 觀賞香港大型壼穴奇景南涌出發1小時達屏嘉石澗 | 觀賞香港大型壼穴奇景 手機都影到靚香港夜景│龍翔道觀景台俯瞰萬家燈火手機都影到靚香港夜景│龍翔道觀景台俯瞰萬家燈火 不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處