壓力大成日瞓唔著 3款飲品助你舒壓好眠| likemagazine.com.hk
Beauty & Health
壓力大成日瞓唔著		3款飲品助你舒壓好眠

壓力大成日瞓唔著 3款飲品助你舒壓好眠

現代人公私兩忙,壓力大,加上生活不規律,好多人明明攰到想死,但瞓落床總係眼光光,瞓唔著,度過無數失眠夜。民間流傳解決失眠花款多:數綿羊愈數愈清醒;做輕運動要郁動會出汗唔ok;以為睇勁悶嘅書快催眠,結果都無效。如果話你知,飲杯嘢就可以舒壓入眠,你有興趣試一試嗎?

 

牛奶助眠真定假?

有一種說法,失眠因為體內陽不歸陰。意思係,人體內本來有陽氣和陰氣,晚上應該陰氣主場,陽氣休息,但當我們陽氣亂竄,就會打擾心神,令人失眠。若身體狀況不佳,都會影響心神。有人話,夜晚飲杯牛奶好瞓啲。原因係牛奶富含色氨酸,色氨酸係血清素嘅前驅物,而血清素又可轉化為褪黑激素,血清素、褪黑激素都可穩定睡眠。但牛奶今咉的色氨酸其實分量非常之少,飲一杯攝取嘅色氨酸肯定不夠催眠,就算畀你飲夠分量,有研究指高蛋白嘅食物會降低色氨酸進入大腦,簡單講,飲咗都無用。牛奶被認定係助眠,估計因為飲牛奶令人連接兒時美好回憶,因而身體放鬆咗,所以易入眠。兒時快樂回憶未必人人有,無嘅飲牛奶都無法入眠。另外有指牛奶多飲易令身體產生痰濕,影響身體平衡,影響瞓眠。

 

杏仁汁調理身體助眠

唔飲奶,可以飲乜調理失眠呢?有建議話飲杏仁汁。杏仁汁有化痰作用,能將體內嘅痰濕問題化掉,減輕咗負擔,就能瞓得好。杏仁汁好易做,將甜杏仁用清水泡軟,加水,放入攪拌機打成汁,然後放鍋煮滾,放涼後就可以飲。盡理飲原味,唔加糖最好,因為糖都會引起痰濕。杏仁汁唔一定睡前飲,平日飲用調理平衡好身體,夜晚自然瞓到覺。

 

玫瑰檸檬茶疏肝寧神

若果你係經常心煩氣燥,瞓著因為好多嘢煩,口特別苦,好熱氣,小便較黃,大便較乾,就係屬於肝火擾亂型。要解決失眠問題,可以瞓前飲杯玫瑰檸檬茶,有助疏解肝氣,安心寧神。玫瑰檸檬茶做法簡單,將玫瑰花放入杯內,加沸水,悶泡一陣。待水溫下降至70度左右,然後放入檸檬片及蜂蜜,攪拌後就可以飲。呢杯茶除可降火,仲可以除口氣,玫瑰更有美顏淡斑效用,如正值生理期女生唔建議飲用。

 

冷泡綠茶好舒壓

有人話臨瞓前或者晚上唔好飲茶,因為茶有咖啡因,會令人保持抗奮,影響睡眠。但有日本睡眠專家指,助眠秘方係綠茶。原來用唔同水溫泡綠茶,釋出嘅成分會唔同。如果用冰水沖泡,可將咖啡因降到最低,臨瞓前飲都無問題。茶裡嘅茶胺酸有放鬆作用,有助舒壓。一講到冰水泡茶,有人驚訝臨瞓飲凍飲,唔係更精神咩?當然唔係要你冷冰冰咁飲,而係預先製作,瞓前23小時用冰水泡綠茶,臨瞓前飲,茶味和成分已釋出,但水溫回復至室溫,呢個時候飲杯先瞓,令你感覺良好,有助入睡。

 

 

你或會有興趣的相關文章:

臨瞓1至2小時沖暖水浴  更易入睡瞓得香甜

不再失眠!教你1分鐘愛麗絲睡眠法 即時入睡

 

 

 

TEXT:MaryLin

相關文章
肯亞首座太陽能水廠   海水變飲用水解決水短缺肯亞首座太陽能水廠 海水變飲用水解決水短缺 崇尚環保天然風用木餐具                         無塑無漆真無毒健康嗎?崇尚環保天然風用木餐具 無塑無漆真無毒健康嗎? 寒天食碗日本拉麵暖入心                         豚骨湯勁多油超晒標寒天食碗日本拉麵暖入心 豚骨湯勁多油超晒標 漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物 空氣污染傷身更傷腦                   最新研究增患腦退化降記憶力空氣污染傷身更傷腦 最新研究增患腦退化降記憶力 雪櫃保鮮食物點擺位?              5個使用雪櫃黃金守則雪櫃保鮮食物點擺位? 5個使用雪櫃黃金守則 新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 抱B用錯力或常用滑鼠易患「媽媽手」                           中醫教3個動作放鬆止痛抱B用錯力或常用滑鼠易患「媽媽手」 中醫教3個動作放鬆止痛