冬天唔想dry到變阿婆 4個日常防燥要點| likemagazine.com.hk
Beauty & Health
冬天唔想dry到變阿婆		4個日常防燥要點

冬天唔想dry到變阿婆 4個日常防燥要點

進入秋冬季,皮膚作為身體第一度防禦線開始有異狀。你有痕癢、脫皮、刺痛、發紅等狀況嗎?天氣變得乾燥,空氣濕度降低,皮膚水分流失加快,如沒有及時補充,便出現皮膚乾燥爆拆。要改善皮膚乾問題,除咗搽保濕護膚品外,原來改變一啲生活習慣都係關鍵。

 

沖涼水溫太高傷皮膚

到咗冬天,沖涼對好多人嚟講係大挑戰,赤條條好凍呀!為令身體暖啲,有人加熱沖涼水溫,但到咗冬天,身體皮脂腺和汗腺分泌減少,令皮膚表面嘅天然保護膜變弱,如果用太熱嘅水溫沖涼,會刺激皮膚,皮膚變得更乾,容易痕癢。另有人喜歡在寒冬天浸涼,但就算暖笠笠好舒暢,都唔好浸太耐喎,千祈咪浸到皺皮先上水,因為到呢個時候,皮膚嘅天然保濕成分及細胞之間嘅脂質、神經醯胺等正在流失,會令皮膚變乾。沖涼後,記得要搽啲具保濕功效嘅護膚品喺皮膚上,補充水分,同時為皮膚蓋上天然油脂,阻擋水分散失。

 

別忘消炎止癢

當皮膚變乾又痕,有人以為搽保濕護膚品就得。原來唔夠架!保濕品只能為肌膚補充水分,但唔可以抑制痕癢。皮膚癢,有可能係皮膚已受損,甚至出現炎症。所以要改善問題,應該揀選同具有保濕、消炎及舒癢功效嘅護膚品,一併過解決因皮膚乾燥而出現嘅狀況。講到搽護膚品,順帶一提,冬天常出現乾燥發癢嘅身體部位有小腿前脛、上臂、腹部、背部等。留意到嘛?呢啲都係「陰濕位」,意思係大家平時唔多留意,或者常有衣物遮住嘅地方,長期忽視護理,所以一到秋冬天氣乾燥就出事。搽護膚品時,唔好忘記為呢啲部分搽呀!

 

咪等面膜變乾先撕走

好多女生都有敷面膜護膚嘅習慣,敷面膜要留意撕走面膜嘅時間。面膜滿載含豐富營養嘅精華,有人唔蝕底,習慣等到面膜變乾先撕走面膜。其實咁做,尤其喺秋冬天,會令面部肌膚水分流失得更多。所以睇清面膜嘅使用方法,講咗敷咁多分鐘就係咁多分鐘,咪貪心。

 

噴水補濕愈噴愈乾

有啲長坐office返工嘅OL,櫃裡總有支保濕噴霧,當皮膚覺乾就噴一噴。到了秋冬天,外出時覺皮膚乾,諗住同樣噴下保濕噴霧就可令皮膚變濕潤,你錯喇!咁做有機會令面部肌膚水分蒸發得更快,連底層嘅水分都被扯乾。補水要做,但秋冬天重點係鎖水,與其噴水解決皮膚乾燥問題,不如選用具鎖水功效嘅護膚品更好。

 

 

 

你或會有興趣的相關文章:

肌膚敏感痕癢緊繃  玫瑰力量抗敏補水

【老是常乾裂】5大實用妙法  預防嘴唇爆擦

 

 

TEXT: MaryLin

相關文章
中年後手握力減弱│握力愈差反映健康出事中年後手握力減弱│握力愈差反映健康出事 疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 銀髮族常無胃口食得差│6個備餐心思提升食慾銀髮族常無胃口食得差│6個備餐心思提升食慾 雙眼失神人變老│3個令雙眼現老態原因雙眼失神人變老│3個令雙眼現老態原因 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 春季忽冷忽熱易染病│提升免疫力7個飲食要點春季忽冷忽熱易染病│提升免疫力7個飲食要點 Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品