補充鈣質點止飲奶 芝麻/硬豆腐/杏仁仲高鈣| likemagazine.com.hk
Beauty & Health
補充鈣質點止飲奶    芝麻/ 硬豆腐/杏仁仲高鈣

補充鈣質點止飲奶 芝麻/硬豆腐/杏仁仲高鈣

對女人而言,及時補鈣好重要。因為隨著年紀增長,大概到咗40歲,骨質就開始明顯流失。到咗更年期,女性因體內嘅雌激素下降,體質流失加劇,容易患骨質疏鬆。為使骨骼強健啲,好多人從飲食入手,甚至服食鈣片,加強鈣質攝取。不過,你知道要身體充足吸收鈣時,其實需要其他營養素輔助嗎?否則,即使你食幾多鈣片和含鈣食物,效用不大。

 

維他命D吸鈣鎖匙

鈣係製造骨胳和牙齒嘅主要元素,而維他命D就好似一條鎖匙,打開大腸嘅門,讓鈣質進入。所以要充足吸收鈣,補鈣同時要有足夠維他命D。維他命D可以透過陽光嘅紫外線照射皮膚後喺體內合成。每日曬10分鐘太陽,已經能夠為身體製造足夠維他命D。如怕曬太陽,都可從食物中攝取,但含有維他命D嘅食物唔多,主要來源有:三文魚、沙甸魚、吞拿魚、蛋黃或添加維他命D嘅奶製品或豆奶等。

 

磷多鎂少礙吸鈣

另一種要同鈣一同吸取嘅營養係磷。好多人身體缺鈣,唔係因為食唔夠鈣,而係身體太多磷。正常情況下,人體內嘅鈣和磷比例係2:1,但因為現代人常飲汽水、咖啡等,食好多炸薯條、漢堡、pizza等,令身體內嘅磷過多,結果鈣都被磷趕走,因而令身體缺鈣。磷太多,阻礙鈣吸收;體內鎂不足,又會影響鈣吸收。鈣和鎂像孖兄弟,缺一不可。正常比例為2:1,最有利鈣吸收。食物中含鎂較豐富有杏仁、腰果、黃豆、穀物、鯖魚、龍蝦、黑麥、小麥等。

 

高鈣3

講番補充鈣質,一般成年人每日應攝取1000毫克鈣,年過50歲以上,建議10001300毫克鈣。食物中,含豐富鈣質有奶製品、豆類、乾果及綠葉蔬菜等。眾所周知,奶製品含鈣量多,不過有人對奶敏感或討厭「騷」味。唔飲奶嘅話,食乜先可以攝取較多嘅鈣呢?有種食品大家可以考慮多食,就係硬豆腐、芝麻和杏仁。按衞生署資炓,每100克芝麻有989毫克鈣質;每100克硬豆腐有320毫克鈣質;每100克杏仁有266毫克鈣質。飲一杯240毫升脫脂奶,只有299毫克鈣質。其實飲奶得到嘅鈣唔算多,食100克罐頭茄汁沙甸魚連骨都可攝取240毫克鈣,只係大家由細到大都被灌輸飲奶多鈣嘅概念,因而認定奶係吸鈣嘅最佳途徑。

 

 

 

你或會有興趣的相關文章:

港女缺鐵易疲倦臉青青  食飯配茶啡影響鐵吸收

單飲牛奶補鈣效果有限  芝麻抹茶加牛奶健骨更強

 

 

TEXT: MaryLin

 

相關文章
燙傷急救勿敷冰             先沖水降溫避整穿水泡燙傷急救勿敷冰 先沖水降溫避整穿水泡 睡意濃因身體缺水        兩個時段飲水全日醒神睡意濃因身體缺水 兩個時段飲水全日醒神 戶外運動頭髮脫光光?`             空氣污染影響頭髮健康戶外運動頭髮脫光光?` 空氣污染影響頭髮健康 夜跑公園等於慢性自殺                              學者以科學證據破傳聞夜跑公園等於慢性自殺 學者以科學證據破傳聞 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處  正確戴口罩先有保護力    咪再倒轉戴口罩! 正確戴口罩先有保護力 咪再倒轉戴口罩! 寒天食碗日本拉麵暖入心                         豚骨湯勁多油超晒標寒天食碗日本拉麵暖入心 豚骨湯勁多油超晒標