唔想做肥妹要咁食 自家煮外出食飯tips| likemagazine.com.hk
Beauty & Health
唔想做肥妹要咁食		自家煮外出食飯tips

唔想做肥妹要咁食 自家煮外出食飯tips

話咁快到咗秋冬天,呢個季節嘅好處係可以換上長衫長褲,遮住身上肥肉。雖然呢個係辦法,但自欺自人囉。好多香港人肥胖,因為忍唔到口。想繼續食滿足口慾但唔想增磅,其實都有方法。有無留意日本人偏向瘦底,除咗因為佢哋減肥有方,仲因為佢哋識食!不妨參考一下佢哋聽明嘅飲食控體重妙法,由日常飲食入手,幫自己減肥肉,keep住纖瘦過秋冬!

 

自家煮飯篇

1 就算煮肉都要加蔬菜

對食肉獸而言,飽肚嘅滿足感很難言喻。要佢哋減肉?No way!專登煮碟菜一齊食,又嫌麻煩。成日話飲食要健康平衡,方法之一係煮肉都迫自己加啲菜。例如煮牛肉飯,除咗加洋葱煮外,可以再添加菇類或雜色燈籠椒,多加蔬菜嘅分量;上碟時可加點蔥花、蛋絲、芝麻等,增加營養。

 

2 青瓜絲代替麵條

好多人變肥原因之一係飲食中澱粉過多。餐膳時想食麵,但又怕澱粉質,可以試下用青瓜刨成絲,取代麵條。嘅有食麵嘅口感,又可以食多啲蔬菜增膳食纖維,青瓜味清甜可口,容易接受。

 

3 加蒟蒻降熱量

日本人很喜歡食蒟蒻,因為熱量低,又有飽肚感。在家想食意粉,但煮意粉要美味通常濃醬多油。有日本人建議用蒟蒻絲代意大利麵,減少食澱粉質,降低熱量。煮蒟蒻時,用熱水汆燙約23分鐘,可去除腥味,更易入口。蒟蒻絲 口感幼滑,伴上不同醬汁,一樣美味可口。除咗將蒟蒻代麵條,煮飯都可以用得上蒟蒻。將蒟蒻切成條狀或粒狀,加入飯中,減少食飯量,又增添飯嘅口感。

 

外出食飯篇

1 點都叫碟菜或沙律

其實要食得均衡,一啲唔難,事在人為。外出食午飯,好多餐廳指定套餐都不過一碟飯或麵包杯飲品。有良心嘅餐廳會喺碟飯加幾條菜,但你真係覺得夠咩?要健康,有時要少少付出。多叫碟菜或沙律,迫自己每餐都有足夠蔬菜。食飽飯後,順便去超市或生果店買啲水果,返到公司食一個,日日2+3,唔係做唔到,係你做唔做啫!

 

2 主動減飯

香港租金貴,餐廳縮皮,食物分量愈來愈縮水,但爛船都有三分釘。諗深一層,你真係要食咁多咩?真係唔飽?定係以往你食得太飽?食得健康,七分飽好足夠。試下減食量,初時未必習慣,但當身體適應就會慣。落order時講聲「少飯」,擺喺面前嘅食物分量少咗,迫自己食少啲,都係控制體重方法之一。

 

3 五色飲食

外出食飯,按偏好挑選嘅食物顏色,原來可略知一個人嘅體型。當然呢個不過係籠統說法,但可當參考。原來偏向啡啡黃黃食物,體型偏肥;喜歡色彩繽紛或綠色食物嘅人,體型偏瘦。肥人要控體重,不妨外出食飯時,要求自己多食不同顏色嘅食物。不同顏色食物富含不同營養,盡量每餐有齊5種顏色:紅、黃、綠、白、黑,便可攝取均衡營養。

 

4 唔好飲湯

在餐廳食飯,若食物附湯,盡量唔好飲。湯要美味,火喉用料好重要。餐廳做生意,邊有咁多時間煲湯呢?成本為先,煲湯落幾多料都計成本。唔夠味嘅話,就加大量調味料或味精。所以湯通常超高鈉,可以嘅話,唔好飲晒,當然一邊食麵飲到啲湯例外。

 

 

 

你或會有興趣的相關文章:

小腹減極都凸出來? 即check類型中醫教減腩

瞓唔夠好易肥  曬太陽增瘦素助控體重

 

 

TEXT: MaryLin

相關文章
大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」 聽住歌跑步唔止更放鬆│強勁節奏有助提升運動表現聽住歌跑步唔止更放鬆│強勁節奏有助提升運動表現 補鈣唔係老人和女人專利         鈣搭配維他命D效果更佳補鈣唔係老人和女人專利 鈣搭配維他命D效果更佳 人到中年膽固醇高        早上食番茄助心血管健康人到中年膽固醇高 早上食番茄助心血管健康 食少少就覺飽唔怕食肥│早飽易致營養不良貧血食少少就覺飽唔怕食肥│早飽易致營養不良貧血 三文魚顏色愈橙愈新鮮?         魚肉呈橙色因含呢種成分三文魚顏色愈橙愈新鮮? 魚肉呈橙色因含呢種成分 過勞損腦力令人變蠢善忘│5大建議減壓放輕鬆過勞損腦力令人變蠢善忘│5大建議減壓放輕鬆 潮流興美白牙齒│牙齒偏黃唔正常?潮流興美白牙齒│牙齒偏黃唔正常?