小腹減極都凸出來? 即check類型中醫教減腩| likemagazine.com.hk
Beauty & Health
小腹減極都凸出來?	即check類型中醫教減腩

小腹減極都凸出來? 即check類型中醫教減腩

好多女生經常投訴,明明體型唔係「楊肉環」,尚算纖瘦,但偏偏有個凸凸嘅腹仔,著衫唔好睇,就算多做運動都唔係好減到。女生容易小腹凸出,有說呢個天生,因為肚內有子宮,身體為咗保護子宮,所以堆積脂肪喺呢個位。另外,基於女性荷爾蒙關係,影響到脂肪嘅分布區域,於是小腹凸。有中醫認為,女生腹凸係由「痰濕」造成,痰濕又可分為不同類型,大家可以按自己所屬嘅情況,改變一些生活習慣,踢走小肚腩。

 

水濕型

試下拍下個肚,會唔會發出「咚咚」聲?你平時會覺得下身好重好腫嗎?如果有,你可能因代謝,身體廢水積聚,無法適當排去,日積月累,變成體質虛寒,身體循環唔好,於是脂肪就積喺腹部。平時飲食少食生冷嘢,飲少杯凍茶,少食雪糕,並多啲做運動出下汗,身體代謝回復正常,就可以將體力多餘嘅水分排出,減少浮腫和消腩。

 

氣虛型

摸摸小肚腩,係咪啲肉泡泡好鬆?腹部肌肉鬆弛,無法支撐肉臟,就會造成胃下垂形成嘅小腹。呢種類型嘅人平時易倦、皮膚乾,而且好憔悴。想改善問題,生活作息要有規律,配合適量運動,以及按摩一下袪濕穴位如曲池穴、委中穴、足三里等。

 

便秘型

一睇類型個名你都明,長期排便唔順通,便便積埋喺肚裡面,於是小腹凸出嚟!通常呢種人嘅小腹摸上去硬硬地而且往上突出。解決方法就係排便,多食蔬菜水果、乳酪等,增加膳食纖維攝取,並且多飲水,促進腸道蠕動,排出便來。腸道健康,小腹就無影囉!

 

氣滯型

有人話女生有多一個胃,專用嚟食甜品。明顯呢個係自我安慰嘅假話,亦係畀自己暴食嘅藉口。喜食甜點,偏好重口味嘅人,可能因壓力大而通過食來發洩。長期係咁,容易肝鬱氣滯。另外,甜點糖果中常用嘅「高果糖糖漿」不易分解,故此會被利用來堆積脂肪,小腹就凸出來。唔想咁可以點?戒甜食、飲食清淡啲,多做運動釋放生活壓力,回復健康正常生活,持之以恒,你會見到成效。

 

 

你或會有興趣的相關文章:

每天3個收腹小練習 減肚腩  強化腹部肌肉  減肥收肚

跑步定游水work啲? 想瘦肚必玩呼拉圈

 

 

TEXT: MaryLin

相關文章
常著高跟鞋腳痛又痺        一個網球緩減腳痛常著高跟鞋腳痛又痺 一個網球緩減腳痛 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處 企得多行得多足底受壓過勞    兩招舒緩足底筋膜炎企得多行得多足底受壓過勞 兩招舒緩足底筋膜炎 支持環保走塑轉用鋼飲管         用來飲呢3款飲品恐壞健康支持環保走塑轉用鋼飲管 用來飲呢3款飲品恐壞健康 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常 雪櫃保鮮食物點擺位?              5個使用雪櫃黃金守則雪櫃保鮮食物點擺位? 5個使用雪櫃黃金守則 包到成隻糉手腳依然冰冷                         中醫教按摩耳仔暖手腳包到成隻糉手腳依然冰冷 中醫教按摩耳仔暖手腳 漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物