台男童流血淚嚇壞阿媽 急性結膜炎高度傳染| likemagazine.com.hk
Beauty & Health
台男童流血淚嚇壞阿媽		急性結膜炎高度傳染

台男童流血淚嚇壞阿媽 急性結膜炎高度傳染

恐怖片中,魔童流出兩行血淚,個樣勁嚇人!咪以為流血流係電影情節,現實真係有咁情況。台灣一名2歲男童早前流出血淚,嚇親阿媽,急急腳帶佢去睇醫生,經醫生檢查,確診男童患「出血性結膜炎」,並有假膜增生。「結膜炎」即係我哋俗稱「紅眼症」,係由細菌或過濾性病毒感染所至,屬高度傳染性疾病,能在社區廣泛傳播。預防呢個病最有效嘅方法係保持良好個人衞生。

 

小孩抵抗力弱

講番男童患嘅「出血性結膜炎」,係結膜炎加上結膜下出血,因而流出血淚。男童之所以患病,疑遭老豆感染。原來喺男童患病前,佢老豆已經反覆左眼右眼交替患結膜炎,可能因為洗手唔夠徹底乾淨,於是將病毒傳染咗畀個男童。小朋友抵抗力弱,於是病起嚟比大人更嚴重。

 

兩類結膜炎

之前講咗,結膜炎有兩種成因,如果屬細菌性,可以由多種細菌引起,當中以流感嗜血桿菌和肺炎鏈球菌最常見。另外,衣原體感染亦會令初生嬰兒和成人患上細菌性結膜炎。至於病毒性結膜炎,通常與上呼吸道感染有關,主要病原體為腺病毒及腸病毒。

 

雙眼都有事

兩種結膜炎嘅病徵好相似,雙眼都會受影響,但通常先喺一隻眼病發先。細菌性結膜炎嘅病微包括眼睛流出白色或黃色黏稠分泌物,而病毒性結膜炎患者嘅眼部分泌物會稀薄啲。其他病徵包括:流眼水、覺得眼入面有異物、眼痕、眼睛紅腫、眼睛疼痛、睡眼眼皮會黏住,仲會畏光。一般嚟講,傳染性急性結膜炎都會自行痊癒。患者只要接受適當治療,可於12星期內好番。如家有5歲以下兒童嘅爸媽要留意,呢個年齡層嘅小朋友好易受感染。

 

預防感染5個要點

唔想染病,雙眼通紅甚至流血流嚇親人,自己又唔舒服,預防勝於治療,平日必要保持良好個人衞生,以下5點要留意。

 

1 經常保持雙手清潔。打乞嚏或咳嗽,用手掩嘴鼻後,記緊要洗手。外出摸過人多觸摸嘅地方如扶手、門把,之後最好清潔雙手。摸口、鼻、眼之前要確保雙手潔淨。

2 洗手應以梘液和清水洗,搓手最少20秒,然後用水過清,並用抹手紙或乾手機整乾對手。如果環境唔許可用水洗手,使用含70-80%酒精搓手液潔手都可以。

3 避免用手摸眼、揉眼。如果真係要摸,記得摸前要清潔雙手。

4 唔好同他人期用毛巾、枕頭、眼藥水、眼部化妝品、隱形眼鏡等。

5 唔好同受感染嘅人接觸。如患病,最好唔好返工、返學或游水,以防傳染畀人。

 

 

 

你或會有興趣的相關文章:

四眼仔女睇嘢見飛蚊閃光  視網膜脫落延醫可失明

8成人無定期驗眼  睇唔清有黑點閃光眼疾警號

 

 

 

TEXT: MaryLin

相關文章
微波爐加熱食物唔健康?  美國FDA:保留更多營養微波爐加熱食物唔健康? 美國FDA:保留更多營養 民間偏方牙膏消暗瘡                   抗菌力微刺激致發炎民間偏方牙膏消暗瘡 抗菌力微刺激致發炎 唔好畀對手出賣你年齡              護手霜咁搽先有功效唔好畀對手出賣你年齡 護手霜咁搽先有功效 咪以為扭親係小事                        欠治理致關節纖維化咪以為扭親係小事 欠治理致關節纖維化 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處 心情唔好點算好?        同動物互動10分鐘可減壓心情唔好點算好? 同動物互動10分鐘可減壓 肯亞首座太陽能水廠   海水變飲用水解決水短缺肯亞首座太陽能水廠 海水變飲用水解決水短缺 朝早起身踩地即嗌痛                        落床先醒足暖足防痛朝早起身踩地即嗌痛 落床先醒足暖足防痛