男子用保溫瓶中毒失智 教你清洗除臭要點| likemagazine.com.hk
Beauty & Health
男子用保溫瓶中毒失智		教你清洗除臭要點

男子用保溫瓶中毒失智 教你清洗除臭要點

天氣開始轉涼,大家要注意保暖。在天冷時,飲啲暖笠笠嘅飲品真係好舒服。呢個時候,保溫瓶大派用場!保溫瓶好好用,而且一般好耐用,但使用不當,有可能為健康帶來危機。

 

正常使用不釋毒

早前有媒體報道,一名50歲男子因使用同一個保溫瓶20年,而且常用來喝啡咖,本來健康狀況良好嘅佢,最為因為鉛中毒而失智,最後死亡。保溫瓶點解會釋毒?先要了解保溫瓶嘅構造。市面買到嘅保溫瓶,一般內膽以300系列嘅不鏽鋼製造,當中又以304316最普遍。兩者分別在含鉻和鎳成分,無論邊種不鏽鋼都好,都屬耐腐蝕,正常使用唔會釋出金屬,可安心使用。不過,若使用期間,保溫瓶內膽被硬物刮花或損壞,便有釋毒危機。

 

唔好裝汽水

另外,使用不鏽鋼材質嘅保溫瓶,建議用嚟裝水最好,唔建議裝茶、果汁、牛奶、中藥及酸性飲料。另外,千祈唔好裝汽水落保溫瓶。因為汽水內有二氧化碳,當冚埋保溫瓶蓋,會令瓶內壓力大增,因而釋出碳酸鈣,有可能腐蝕不鏽鋼。

 

清洗除臭要點

清洗方面,用過就要清洗,清洗時可用適量洗潔精,但千祈唔好用百潔布或尖銳嘅鋼擦擦洗,否則會令不鏽鋼塗層受損。使用柔軟嘅海綿,輕輕擦下就得。如發現有異味,可用熱水加食用梳打粉清洗。又或者將溫水加醋,浸泡保溫瓶約半小時,倒出,再用熱水沖洗幾遍即可除異味。盡理避免用含氯成分嘅清潔液,亦都唔好用漂白劑。如要清走茶漬,食用梳打粉加溫水,用專用刷子輕輕擦下,畀點耐性,便可清掉,記住唔好太猛力刷,以免令塗層受損。

 

用耐咗最好換新

就算你個保溫瓶幾耐用幾好用都好,使用一段日子後,建議換個新,因為使用期間難免會意外刮花或損毁塗層,小小破損睇唔到,但使用時有機會藏垢藏細菌,甚至釋出微量金屬,為健康帶來風險。

 

 

你或會有興趣的相關文章:

毛巾發霉起黑點發臭  5個清洗毛巾要點

洗衣機洗衫有機會染菌  洗衣劑槽密封膠圈易藏菌

 

 

 

TEXT: MaryLin

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 向日本OL偷師!纖體美肌首選小球藻向日本OL偷師!纖體美肌首選小球藻 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 晨早起床做瑜伽│新一天由陽光好心情開始晨早起床做瑜伽│新一天由陽光好心情開始