運動後衣物沾汗易有菌 5個徹底清洗除菌tips| likemagazine.com.hk
Beauty & Health
運動後衣物沾汗易有菌	5個徹底清洗除菌tips

運動後衣物沾汗易有菌 5個徹底清洗除菌tips

做完運動,出咗一身汗,成個人爽晒!件衫濕晒成陣味,拎去洗先!沾滿汗嘅運動衣物要點洗至乾淨,以下幾點要留意。

 

1 用溫水洗

汗水係人體汗腺分泌出嚟嘅液體,雖然大部分係水分,但當中亦有脂肪、蛋白質等弱鹼性物質,容易滋養細菌。一般洗衣都用冷水,但著嚟運動嘅衣物沾汗量比平日多,汗易養菌,加上灰塵、泥沙等,衣物比日常穿著更污糟。所以建議用溫水洗運動衣物,並加入具殺菌功效嘅洗衣產品,便能徹底潔淨運動衣物。水溫約為3040度,除臭效果力,而且洗衣劑或粉嘅溶解力都比較好。如果用冷水,尤其在冬天,洗衣粉未必能完全溶解,不能發揮效力,也會在衣物上殘留顆粒。

 

2 唔好放喺洗衣籃過夜

之前講咗,運動衣物沾汗後易生細菌,將呢啲衣物就咁放喺放衣籃,衣物互相覆蓋,加上不通風,製造潮濕暖和環境讓細菌快速繁殖,更可能將菌帶到其他衣物,非常唔衞生。運動後,唔好懶,立即將著過嘅衣物清洗吧。

 

3 內衣一定要洗

外出運動後,一身臭汗,如有更衣室,大家都會去更衣。如果衣物濕晒當然要換,但若果做輕度運動,出汗唔多,或者運動場地通風或有空調,衣物由濕變乾,有人原來未必會換內衣。就算乾透咗,沾過汗都係污染咗。唔好懶,唔好為慳水,內衣一定要洗啊!尤其係女生,身體分泌物易滋生細菌,唔換內衣等於將細菌放近身邊,容易令不見天嘅肌膚受感染,輕則敏感,嚴重會致病。

 

4 唔好落柔順劑

運動衣物用溫水洗時,唔建議落柔順劑,因為柔順劑會釋放油分,殘留喺衣物上,細菌有可能黏在呢啲油分上,結果衣物洗得不夠乾淨。

 

5 運動鞋都要清潔

運動後,衣物要洗,但好多人忽略清潔對鞋。鞋面可以用市面有售嘅除菌噴霧或者梳打粉加水抹擦一下,清除灰塵污垢。重點清潔係鞋內櫳,運動時雙腳都會排汗,襪子吸汗,鞋內櫳不但殘留汗臭味,還會有菌。往鞋櫳內灑點梳打粉,把多餘嘅梳打粉倒出來,然後將鞋放在太陽上曬,便可除味除菌。

 

 

你或會有興趣的相關文章:

唔做運動因為無時間?  玩少啲手機就可做運動

早上先運動後食早餐  燃燒脂肪成效更高

 

 

TEXT: MaryLin

相關文章
 正確戴口罩先有保護力    咪再倒轉戴口罩! 正確戴口罩先有保護力 咪再倒轉戴口罩! 四眼仔女睇嘢見飛蚊閃光	視網膜脫落延醫可失明	四眼仔女睇嘢見飛蚊閃光 視網膜脫落延醫可失明 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常 崇尚環保天然風用木餐具                         無塑無漆真無毒健康嗎?崇尚環保天然風用木餐具 無塑無漆真無毒健康嗎? 烘多士美味但含致癌物?                         薯片炸薯條餅乾少食為妙烘多士美味但含致癌物? 薯片炸薯條餅乾少食為妙 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 8成人無定期驗眼         睇唔清有黑點閃光眼疾警號8成人無定期驗眼 睇唔清有黑點閃光眼疾警號 爸媽用零食作獎勵        影響孩子健康降學習力爸媽用零食作獎勵 影響孩子健康降學習力