油菜加蠔油/腐乳/豉油 鈉含量暴升300-540%| likemagazine.com.hk
Beauty & Health
油菜加蠔油/腐乳/豉油		鈉含量暴升300-540%

油菜加蠔油/腐乳/豉油 鈉含量暴升300-540%

出街食飯,有時都會刻意叫碟油菜,諗住食多啲菜健康啲,多攝膳食纖維,促進腸道蠕動,幫助排便。但為咗增添食味,又通常要求加醬料或調味。咁就出事!因為醬料調味品製作時都加入大量鹽,一邊食菜一邊醮醬,令人不知不覺覺攝取高鈉。諗住食得健康,卻因為想味覺享受而變得唔健康。

 

醬油調味含高鈉

油菜就係用熱水灼菜,味道清寡。灼菜常用嘅蔬菜包括生菜、菜心、通菜、芥蘭等,雖然不同菜種味道各異,但對重口味嘅人來講,灼菜唔夠美味。所以,一般食灼菜時都會要求加添醬料調味,例如蠔油、腐乳、豉油等。不過,呢種食法會令人同時食多咗鹽,隨時對健康得不償失。由於蠔油、腐乳、豉油等醬料都係高鈉食品,加進灼菜中,令灼菜的鈉含量暴升300540%

 

腐乳惹味但勁重鈉

按世衞指標,成年人每日攝取鈉分量不應多於2000毫克。根據食物安全中心一份有關中式點心的營養含量資料,每100克蠔油含3500毫升鈉;每100克腐乳醬含2100毫克鈉;每100克甜豉油含3800毫克鈉。當然用嚟調味灼菜,每次唔會食到成100克,一般而言,每次落數湯匙左右嘅醬料調味,咁即係食咗幾多鈉落肚?按資料,食一碟白灼生菜攝取鈉約65毫克,但加咗蠔油後,鈉含量即升至360毫克;加甜豉油嘅話鈉含量為370毫克。食一碟白灼通菜,鈉攝最係140毫克,但加上腐乳醬後,鈉攝取升至570毫克。

 

為健康要忍口

本來食碟油菜所攝取嘅鈉約在幾十毫克,但加咗兩匙調味後,鈉含量即飆升。雖然油菜叫「全走」味道淡寡,但堅持食得健康,就要忍忍口。

 

 

你或會有興趣的相關文章:

以為餐餐水煮利健康? 長期缺油易便秘皮膚粗

智選麵包避免攝取過量鈉  呢3款麵包味淡但高鈉

 

 

 

TEXT: MaryLin

相關文章
早上先運動後食早餐                   燃燒脂肪成效更高早上先運動後食早餐 燃燒脂肪成效更高 瞓唔夠好易肥                  曬太陽增瘦素助控體重瞓唔夠好易肥 曬太陽增瘦素助控體重 咪以為扭親係小事                        欠治理致關節纖維化咪以為扭親係小事 欠治理致關節纖維化 喝了這四款養顏糖水,秋冬滋補又美容!喝了這四款養顏糖水,秋冬滋補又美容! 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處 新春返內地防肺炎外   鼠疫都要留神                  新春返內地防肺炎外 鼠疫都要留神 營養補充品咪亂食                        美國老伯食維他命B險失明營養補充品咪亂食 美國老伯食維他命B險失明 瞓醒口氣臭到冤             中醫教判味知健康狀況瞓醒口氣臭到冤 中醫教判味知健康狀況