唔做運動因為無時間? 玩少啲手機就可做運動| likemagazine.com.hk
Beauty & Health
唔做運動因為無時間?	玩少啲手機就可做運動

唔做運動因為無時間? 玩少啲手機就可做運動

勤做運動身體好,不過好多人都話無時間做運動。人人每日都有24小時,假設9小時返工,每日瞓8個鐘,仲有23小時花喺交通上,剩番幾個鐘你忙啲乜?除咗處理家庭和起居生活事項外,相信多數人都在玩手機。喺美國,有研究指美國人每天平均有5個小時以上空閒時間,但大部分用咗嚟睇電腦、電視和玩手機。研究人員話,若果公眾能夠正確利用時間,減少玩手機,每日運動2030分鐘係可行嘅。

 

收入愈高玩手機時間愈少

睇番美國呢項研究,搵咗32000多位15歲以上美國人做問卷調查,結果顯示不論能力或種族,受訪者嘅空間時間都不低於4.5小時,而男性空閒時間更高於女性。然而大部分一得閒就專注於電子產品,男性每日用上211分鐘,女性平均每日花175分鐘。其中,只有6.6%男性喺空閒時間做運動,女性利用空間時間做運動嘅只有5%。一個比較有趣嘅發現係,收入較高嘅人,運動時間較多,玩手機等電子產品嘅時間較少。

 

香港人唔做運動因無時間

美國情況係咁,香港呢?喺2016年,中大香港亞太研究所曾發布民調結果,19.8%受訪者喺過去6個月好少做運動,14.2%嘅人更表示完全無做過任何運動。當問及受訪者點解過去半年無做任何運動,最多人選擇嘅原因係生活忙,無時間。

 

每日至少運動30分鐘

運動對健康好,任何人不論年齡、性別或身體狀況,常做適量運動均可改善健康。運動無須劇烈,中等強度運動,即係做運動時會令你輕微流汗,心跳和呼吸稍為加快,已能促進健康。做運動唔使一次過,分段都可以。總而言之,每天累積至少30分鐘的中等至劇烈強度體能活動,每次不少於10分鐘,都有強身健體嘅作用。

 

 

 

TEXT: MaryLin

相關文章
肺炎病毒可經接觸傳播│家居5個藏菌黑點│記住消毒!肺炎病毒可經接觸傳播│家居5個藏菌黑點│記住消毒! 四眼族戴口罩鏡片現霧氣好尬尷│ 兩招可KO!四眼族戴口罩鏡片現霧氣好尬尷│ 兩招可KO! 支持環保走塑轉用鋼飲管         用來飲呢3款飲品恐壞健康支持環保走塑轉用鋼飲管 用來飲呢3款飲品恐壞健康 魚油VS 魚肝油│唔一樣架!營養成分大不同魚油VS 魚肝油│唔一樣架!營養成分大不同 蔬果切開營養流失│冷凍蔬果保存更多營養蔬果切開營養流失│冷凍蔬果保存更多營養 補鈣唔係老人和女人專利         鈣搭配維他命D效果更佳補鈣唔係老人和女人專利 鈣搭配維他命D效果更佳 疫情下怕被誤會歧視│捏鼻死忍唔打乞嚏致喉嚨撕裂疫情下怕被誤會歧視│捏鼻死忍唔打乞嚏致喉嚨撕裂 雞蛋營養豐富助大腦發育│日本媽媽創意便當激發食慾雞蛋營養豐富助大腦發育│日本媽媽創意便當激發食慾