勁食菜唔等於食夠纖維 多食菜記住要多喝水 | likemagazine.com.hk
Beauty & Health
勁食菜唔等於食夠纖維	多食菜同時要多喝水

勁食菜唔等於食夠纖維 多食菜記住要多喝水

午餐時間,同事A成個飯盒都係菜,至於飯,唔係白飯,而係玄米飯。佢呢個配搭已經維持好多日。「蔬菜和玄米都有豐富膳食纖維,幫助便便,我呢排去唔到廁所。」好多人都有同樣概念,但事實係多食菜唔一定暢便,關鍵在於你食落肚嘅係邊一種膳食纖維。如果按同A嘅飲食方法,唔止無辦法暢便,更有機會令便泌問題愈趨嚴重。

 

膳食纖維有兩種

膳食纖維本來被視為無營養價值嘅食物殘渣,但後來被發現能促進排便,保持腸道健康及預防大腸癌,因而被注視。膳食纖維有兩種:不溶性膳食纖維和水溶性膳食纖維。前者唔會溶於水,能促進排便,含量豐富嘅食物有萵苣、高麗菜、鴻喜菇、玄米、杏飽菇、秋葵、苦瓜、黑麥、椰菜花等;後者可溶於水,而且帶有黏性,能令便便軟化,而且當溶喺水入面時會變成好似果凍咁,黏黏稠稠,所以能令食物消化時慢慢移動,唔會令血糖突然急升,並有助使膽固醇下降。含量豐富嘅代表食物有昆布、海帶、白蘿蔔、牛蒡、芋頭、番薯、紅蘿蔔、無花果等。

 

玄米糙米食太多礙排便

兩種膳食纖維對人體都重要。按衞生署資料,成人每天應該攝取不少於25克嘅膳食纖維。為咗攝取足夠膳食纖維,有人狂食菜,例如唔食飯改食沙律;食飯拒白飯,堅持日日餐餐食玄米或糙米飯。以為健康,點至過晒火,因為玄米糙米不溶性膳食纖維較多,結果令便便水分太少,變硬難排出;葉菜雖然都含有膳食纖維,但以同等份量嘅水果乾如西梅、提子乾等或豆類如鷹嘴豆、黃豆、綠豆等相比,膳食纖維少,如要攝取足夠分量嘅膳食纖維,要食好多好多菜先得。

 

均衡飲食最重要

一句到尾,要從飲食中攝取足夠營養,重點係均衡,唔好偏食。如進食大量含豐富膳食纖維食物,記得同時要多飲水,否則有礙排便。

 

 

 

你或會有興趣的相關文章:

膳食纖維係人體清道夫  紅腰豆比蘋果連皮更多纖維

3分鐘素食食譜 香蕉奇異果燕麥飲

 

 

TEXT: MaryLin

相關文章
豆漿有益但含植物激素              台女當水飲患子宮肌瘤豆漿有益但含植物激素 台女當水飲患子宮肌瘤 聚會食盆菜中毒屢發生              安全食用盆菜要點聚會食盆菜中毒屢發生 安全食用盆菜要點 阿媽靠嚇鼻孔愈挖愈大              實情怕你挖鼻整傷受感染         阿媽靠嚇鼻孔愈挖愈大 實情怕你挖鼻整傷受感染 膳食纖維係人體清道夫                              紅腰豆比蘋果連皮更多纖維膳食纖維係人體清道夫 紅腰豆比蘋果連皮更多纖維 男子用保溫瓶中毒失智                              教你清洗除臭要點男子用保溫瓶中毒失智 教你清洗除臭要點 民間偏方牙膏消暗瘡                   抗菌力微刺激致發炎民間偏方牙膏消暗瘡 抗菌力微刺激致發炎 掃地時家中嬰孩要避開              吸塵機揚塵污染家居空氣掃地時家中嬰孩要避開 吸塵機揚塵污染家居空氣 冬季潔臉必勝法冬季潔臉必勝法