天氣轉手腳冰冷 食番薯暖包放穴位保暖| likemagazine.com.hk
Beauty & Health
天氣轉手腳冰冷	食番薯暖包放穴位保暖

天氣轉手腳冰冷 食番薯暖包放穴位保暖

天文台預告,呢一兩日強烈東北季候風會帶嚟清涼天氣。氣溫下降,身體虛寒嘅人容易因為體溫下降而血液循環變差,身心失調,手腳冰冷、水腫等都係徵兆。有醫生指,體溫每下降1度,免疫力就下降30%,代謝都會降低13%。所以冬天保溫好重要啊!除咗著多件衫、冚多張被保暖外,做運動、多食有助暖身嘅食物,甚至用暖包放喺穴位上,都有助促進身體循環,改善身體凍冰冰嘅狀況。

 

番薯健脾暖身

健康與飲食息息相關。身體唔夠暖,食物提供能量。到咗冬天,土中根莖類植物當造,其中之一係番薯。番薯含有豐富嘅澱粉、膳食纖維、胡蘿蔔素、維他命ABCE,以及鉀、鐵、銅、硒、鈣等10餘種微量元素等,營養豐富,食咗又暖身,而且健脾益氣。

 

平板支撐強身

勤做運動身體好,不過天氣凍,人就唔想郁,點算好?唔出街做運動,不如用睇電視聽歌嘅時間做平板支撐運動(Plank),一樣可以暖身。首先,臉朝向地下趴喺地上,雙腳分開與肩同寬,腳尖貼地,前臂撐地。然後腹部、臀部和腳部肌肉出力撐起身體,只有前臂和腳尖貼地。臂部往內縮,背部挺直,臉向下,全身如一塊平板狀,維持約10秒,然後慢慢回到原來嘅俯卧姿勢。每日做35次。

 

暖包放穴位暖全身

醫師教路,按摩穴位都可暖身。大椎穴位於頸背,脊椎骨第七頸椎棘突凹陷位置。低頭時,頸後正中隆起最高,而當俯仰轉側而郁動嘅地方就人係第七頸椎棘突。穴位就喺下方。按中醫學說,呢個穴位有益氣、補虛之效。所以當發現感冒初起,覺得全身凍凍哋,用少少力按壓大椎穴約10秒,然後鬆開手為一組。做5組。另外,每到冬天,怕凍嘅人或手腳冰冷嘅人會手執暖包保暖。中醫教你利用暖包,放喺太衝、三陰交、神門和太淵穴位,促進全身血氣運行,暖和感覺更強。

 

參考資料:https://health.businessweekly.com.tw/AArticle.aspx?id=ARTL003000641

 

 

你或會有興趣的相關文章:

冬日創意煲仔飯

懶人冬天恩物 日本烏冬被勁梳乎

 

 

 

TEXT: MaryLin

相關文章
5歲童遊樂場滑梯染虱                  勤洗手忌捽眼防染病5歲童遊樂場滑梯染虱 勤洗手忌捽眼防染病 食飽午飯好眼瞓   3招防飯氣攻心要點       食飽午飯好眼瞓 3招防飯氣攻心要點 寒天食碗日本拉麵暖入心                         豚骨湯勁多油超晒標寒天食碗日本拉麵暖入心 豚骨湯勁多油超晒標 戴運動手表改善健康?                    研究:減肥效果唔見更好戴運動手表改善健康? 研究:減肥效果唔見更好 紅蘿蔔短時間內食過量  胡蘿蔔素沉澱手腳變黃紅蘿蔔短時間內食過量 胡蘿蔔素沉澱手腳變黃 運動後衣物沾汗易有菌              5個徹底清洗除菌tips運動後衣物沾汗易有菌 5個徹底清洗除菌tips 唔食飯減肥會短命        多攝植物蛋白脂肪補充唔食飯減肥會短命 多攝植物蛋白脂肪補充 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」