早上先運動後食早餐 燃燒脂肪成效更高| likemagazine.com.hk
Beauty & Health
早上先運動後食早餐		燃燒脂肪成效更高

早上先運動後食早餐 燃燒脂肪成效更高

的起心肝做運動減肥值得鼓掌。有人決定晨早起身返工前做,不過有疑問:「應該食咗早餐先運動?定係做事運動先食早餐呢,?」兩派各有支持者。外國傳媒報道,最近英國做咗一項小型研究,發現做完運動先食早餐,可以燃燒更多脂肪,成效更好。

 

飢餓狀態燒脂更多

運動前或後食早餐,爭論多時。支持運動前食早餐嘅,理論係進食後血糖上升,為身體帶來更多能量,做運動時有衝勁啲,亦可以持久啲。至於支持運動後先食早餐嘅人認為,當身體處於飢餓狀態時運動,可以燃燒更多脂肪。英國研究搵嚟30位超男士做實驗,得出結果係做完運動後先食早餐,減到嘅脂肪比食咗早餐先運動嘅人多兩倍。原因係當身體無能量,而你又要做運動,身體被迫將儲存嘅碳水化合物轉化為能量,當用到盡時,更會用埋脂肪。不過,脂肪減少咗唔等於減重,接受實驗嘅人證實呢點,但至少對健康都係正面。先運動後進食另一個好處係令身體對胰島素更敏感,而胰島素係用嚟控制血糖,即係話有助減低糖尿病和心臟病風險。

 

補充能量要點

運動後食嘢補充,就算勁肚餓,都要有節制,否則之前運動功虧一簣。食乜好呢?建議喺運動後1530分鐘內進食,餐膳裡嘅碳水化合物和蛋白質比例為4:1。食物選擇方面,水果、低脂希臘乳酪、什錦乾果,甚至香蕉加花生醬都可取。

 

參考資料:

https://edition.cnn.com/2019/10/18/health/exercise-breakfast-fat-burn-wellness/index.html

 

 

你或會有興趣的相關文章:

夜跑公園等於慢性自殺  學者以科學證據破傳聞

運動途中突然腹痛  熱身不足呼吸過快所致

 

TEXT: MaryLin

相關文章
向日本OL偷師!纖體美肌首選小球藻向日本OL偷師!纖體美肌首選小球藻 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素