世界太亂要靜靜地放鬆? 荷蘭大學生瞓墳墓思生死| likemagazine.com.hk
Special
世界太亂要靜靜地放鬆?	荷蘭大學生瞓墳墓思生死

世界太亂要靜靜地放鬆? 荷蘭大學生瞓墳墓思生死

今時今日做學生壓力唔細,由於唔少人為學業而無晒私人生活,情緒長期繃緊,好容易出事。呢個狀況唔止喺香港發生,全球學生都一樣,所以校方或社會各界都積極提供各項情緒支援和排解壓力妙法幫助學生。外國有傳媒報道,荷蘭有大學度出古怪招數─墳墓冥想,雖然聽落好恐怖嚇人,但推出以嚟出乎意料大受歡迎。

 

聽落嚇人但受歡迎

墳墓冥想減壓體驗係咁的,學生可以喺學校教堂後嘅「墳墓」深坑內瞓喺度冥想,最短30分鐘,最長3個鐘。放心,雖然話係墳墓體驗,現場無棺材,唔使瞓棺,坑內有枕頭和被,讓學生瞓得舒服,完全放鬆。進入墳墓嘅學生,不能攜帶書及手提電話。體驗推出以來,迴響唔少,有人覺得毛骨悚然,有人覺得接受唔到,有人以為實無人參加,點知出乎意外,大受歡迎,竟然有輪候名單。

 

思考生命生與死

推出墳墓體驗嘅創辦人話,原意係想讓學生體味一下呢個世界嘅時光。死亡係一種禁忌,活著嘅人好難理解死亡係咩一回事,尤其年輕人正值生命燃燒得最燦爛嘅時期,對死亡無諗法,對死亡無概念。而呢項體驗正好畀到機會佢哋接觸死亡,思考生死,認識生命,同時提供寧靜且不受外界騷擾嘅空間,讓佢哋靜落嚟,完全放鬆。

 

 

你或會有興趣的相關文章:

港青徒步横越貝加爾湖 挑戰自我關注全球環保

 

 

TEXT: MaryLin

相關文章
在家工作難專心開會家人亂入│酒店推日租服務方便遙距工作在家工作難專心開會家人亂入│酒店推日租服務方便遙距工作 意大利大量橄欖樹染病亡│產量大減油價升鬧油荒意大利大量橄欖樹染病亡│產量大減油價升鬧油荒 香港海事博物館免費開放兩天│多感認識香港百年燈塔故事香港海事博物館免費開放兩天│多感認識香港百年燈塔故事 海港城drawingmary畫展│遇見「Mary」找尋歡樂海港城drawingmary畫展│遇見「Mary」找尋歡樂 油麻地竟然搵到呢款傳統美食│潮州冷糕外脆內甜絲絲油麻地竟然搵到呢款傳統美食│潮州冷糕外脆內甜絲絲 無錢為家居大裝修│4個小動作為家居變身添氣氛無錢為家居大裝修│4個小動作為家居變身添氣氛 周末好去處│大館內尋找昔日標牌│看170年歷史變遷周末好去處│大館內尋找昔日標牌│看170年歷史變遷 Dustykid新作鼓勵愛自己自救│首推兒童繪本關注兒童情緒健康Dustykid新作鼓勵愛自己自救│首推兒童繪本關注兒童情緒健康