朝早起身踩地即嗌痛 落床先醒足暖足防痛| likemagazine.com.hk
Beauty & Health
朝早起身踩地即嗌痛		落床先醒足暖足防痛

朝早起身踩地即嗌痛 落床先醒足暖足防痛

晨早起床,雙腳一踩地,哎吔!痛到入心。尤其喺冬天,呢個情況特別常見。原來亞洲每10個人之中就有3個人患有功能性扁平足,容易有小腿肌和足底筋膜太緊問題。朝早落床,因雙腳踩地時突然將筋膜扯,因而出現疼痛。有物理治療師教路,早上起來落床前可以花數分鐘先醒足和暖足,就可以減低腳痛問題。

 

 

足弓扁平出事

足弓係用作承托步行時身體嘅重量,由肌腱、肌肉、骨互相協調,避震及平衡身體,才能支持身體。而所謂扁平足,係指足部站立時內側腳弓消失,腳底嘅拱橋變得扁平。扁平足有先天和後天,後天多數因經常喺太硬路上走,足部為咗承擔體重,漸漸變平。

 

 

起身先醒足暖足

扁平足患者朝早起身唔想一落床就腳痛,物理治療師建議先醒足和暖足。醒足方法好簡單,朝早起床,唔好急住落,先坐喺床邊,雙腳平貼地板,然後將一隻腳向內縮,令膝頭彎曲但腳踭保持貼地,手稍微壓住膝頭。呢個時候,你會覺得小腿肚位置有少少拉緊感覺,維持10數秒,然後換邊做同樣動作。

 

至於暖足,就係翹起腳,手握拳由下往上輕敲小腿肚約1015秒,之後轉一轉腳踝,放低腳,換邊再做一樣嘅動作。

 

 

家居著厚底拖

做完以上兩組動作,會覺得雙腳變暖。呢個時候先落床起身,就無咁易腳痛。除咗做暖足和醒動作,物理治療師建議日常家居著嘅拖鞋,最好避免全平、無高低差嘅款式,最好揀前低後高嘅厚底拖,有助減輕足弓壓力。

 

 

 

 

你或會有興趣的相關文章:

腳型跑姿測試

 

整裝開學

 

 

 

 

TEXT: MaryLin

相關文章
以為防疫勤洗手就掂?洗手後無立即抹乾手│增菌達84%以為防疫勤洗手就掂?洗手後無立即抹乾手│增菌達84% 瞓醒唔記得發咩夢?│4種因素較易記得夢境瞓醒唔記得發咩夢?│4種因素較易記得夢境 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 【連結懶人包】消委會公開免費下載 口罩、搓手液等防疫產品測試報告 | 武漢肺炎【連結懶人包】消委會公開免費下載 口罩、搓手液等防疫產品測試報告 | 武漢肺炎 出盡法寶都係瞓唔著│善用每日3個5分鐘│踢走失眠出盡法寶都係瞓唔著│善用每日3個5分鐘│踢走失眠 支持環保轉用乾手機                   點知有份勁散播病菌?              支持環保轉用乾手機 點知有份勁散播病菌? 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 消委會:8成潤唇膏含礦物油物質│潤唇但含致敏物危健康消委會:8成潤唇膏含礦物油物質│潤唇但含致敏物危健康