長戴耳機塞住耳仔易感染 推入耳垢滋生細菌| likemagazine.com.hk
Beauty & Health
長戴耳機塞住耳仔易感染	推入耳垢滋生細菌

長戴耳機塞住耳仔易感染 推入耳垢滋生細菌

搭車行街食飯無無聊,聽歌最好。用耳機塞住耳仔,自享音樂又唔會騷擾到人。長時間塞住耳仔,自我感覺良好,不過原來又係危害健康,有機會造成耳朵感染。

 

耳仔皮膚好脆弱

耳仔內皮膚原來好脆弱,長時間用耳機塞住耳仔會不斷刺激皮膚,對耳仔帶來傷害。另外,耳塞亦會將耳垢往內愈推愈入,當耳垢增厚,如果又沾到水,例如沖涼時耳仔入水或去游水後無抹乾耳內嘅水,潮潤加溫暖,就成咗細菌嘅溫床。

 

 

耳機好多菌

耳機經常使用,塞入耳又擺喺,若果無定期用酒精拭擦清潔,耳機其實勁污糟,滿布細菌。外國有實驗人員曾喺耳機上驗出芽孢桿菌,而呢種菌主要喺泥土、動物腸道等搵得到。若將污糟嘅耳機塞進耳,咁啱耳仔內皮膚又受咗傷,就有機會感染。

 

 

定期清潔耳機

相對而言,耳外式耳機會比內耳式耳機較好,但始終耳機係私人物品,經常與皮膚接觸,定期清潔好重要,而且千祈唔好與人共享,保持衞生。

 

 

 

參考資料:

https://news.tvbs.com.tw/health/1231202

 

 

你或會有興趣的相關文章:

 

Air by crazybaby(NANO)真無線耳機聲色奪人

骨傳導耳機新突破 動聽四方

 

 

TEXT: MaryLin

相關文章
冬天唔想dry到變阿婆                               4個日常防燥要點冬天唔想dry到變阿婆 4個日常防燥要點 適量飲啤酒一樣對健康好         女性1日杯男性1日兩杯適量飲啤酒一樣對健康好 女性1日杯男性1日兩杯 洗碗海綿藏菌逾3百種                              定期更換咪等到發臭先扔洗碗海綿藏菌逾3百種 定期更換咪等到發臭先扔 台婦人山水漱口吞水姪              行山安全計忌接觸野山水源台婦人山水漱口吞水姪 行山安全計忌接觸野山水源 港人每4人中1人患鼻敏感                     生活小改變減低致敏機會港人每4人中1人患鼻敏感 生活小改變減低致敏機會 油菜加蠔油/腐乳/豉油                               鈉含量暴升300-540%油菜加蠔油/腐乳/豉油 鈉含量暴升300-540% 手機比馬桶污糟3.5倍                  勤清潔免沾菌染病手機比馬桶污糟3.5倍 勤清潔免沾菌染病 秋冬美顏抗衰老飲品|蘋果櫻桃玫瑰花飲秋冬美顏抗衰老飲品|蘋果櫻桃玫瑰花飲