四眼仔女睇嘢見飛蚊閃光 視網膜脫落延醫可失明 | likemagazine.com.hk
Beauty & Health
四眼仔女睇嘢見飛蚊閃光	視網膜脫落延醫可失明

四眼仔女睇嘢見飛蚊閃光 視網膜脫落延醫可失明

眼睛係靈魂之窗,能夠擁有良好視力當然好,但若患有近視,無論天生或後天好,既然無法回復完整視力,都要盡量唔好做傷眼嘅事,而且密切監察眼部健康。例如,40歲以下、近視深度逾600度嘅人,如果發現睇嘢時有似「蚊」嘅黑點飛過,或者出現閃光,應盡快搵醫生檢查一下,因為好大可能係視網膜脫落嘅徵兆,延誤就醫有機會失明。

 

急症求治要快

視網膜脫落係指視網膜內嘅感光層和外面嘅色素層脫離,導致視網膜感光細胞失去養分供應而喪失視覺功能,屬於急症,如發現問題必須盡快治療,否則對視力做成永久性的損害,甚至失明。

 

見飛蚊閃光要小心

隨著年紀增大,若同時患有深近視,導致眼球被拉長,視網膜會變薄而有機會脫落。睇嘢時出現「飛蚊」、閃光和視力變模糊、覺得有嘢跌落嚟都係先兆。飛蚊症係因為眼球內嘅玻璃體退化,由本來透明變混濁,於是當喺明亮嘅背景下睇嘢,會見到好似蚊嘅嘢隨眼睛轉動飛嚟飛去。一般情況下,飛蚊數量唔多,可能係良性玻璃體退化,對視力無影響。但若果有大量飛蚊,而且加埋閃光、黑影等,即視網膜可能出現裂縫。

 

原來據文獻資料,近視深於600度或以上,視網膜脫落嘅發病率係3.2%。有視光師提醒,若發現視網膜出現脫落跡象,應盡快求醫,因為視網膜一旦受損就唔可以康復,就算修補都會影響視力。

 

 

你或會有興趣的相關文章:

一張圖即睇你眼睛健康狀況

年輕低頭族小心視膜網變薄脫落

 

TEXT:MaryLin

相關文章
魚油VS 魚肝油│唔一樣架!營養成分大不同魚油VS 魚肝油│唔一樣架!營養成分大不同 戒煙永遠唔會遲!研究:煙民戒煙後肺變好戒煙永遠唔會遲!研究:煙民戒煙後肺變好 周末冷峰到氣溫降│兩招保暖強身防病周末冷峰到氣溫降│兩招保暖強身防病 冬天指甲邊常生倒刺                        美甲師教你防生倒刺方法冬天指甲邊常生倒刺 美甲師教你防生倒刺方法 寵主唔使恐慌│世衛: 未有證據顯示貓狗會染武漢肺炎寵主唔使恐慌│世衛: 未有證據顯示貓狗會染武漢肺炎 蜂蜜沖水天然滋潤                        不同時段飲不同效用蜂蜜沖水天然滋潤 不同時段飲不同效用 天冷飲乜熱飲最暖身?薑湯竟然輸俾熱朱古力天冷飲乜熱飲最暖身?薑湯竟然輸俾熱朱古力 全城消毒搓手液賣斷市?大學教授教你 DIY              全城消毒搓手液賣斷市?大學教授教你 DIY