新手爸媽忽視致意外 6個幼兒受傷家居陷阱| likemagazine.com.hk
Beauty & Health
新手爸媽忽視致意外		6個幼兒受傷家居陷阱

新手爸媽忽視致意外 6個幼兒受傷家居陷阱

家係令人安心放鬆嘅地方,不過對家有幼兒嘅爸媽嚟講,都唔可以太鬆懈,因為家中危機四伏,一個唔留神,可能會令幼兒受傷。以下幾個家居危機黑點,新手爸媽要留意!

 

1 跌落睡床

好多爸媽因家居狹小,無為初生兒添床,同佢哋一齊瞓。瞓覺係人最放鬆嘅時候,大人不為意,有機會壓住幼兒,令佢哋窒息。過去都發生過好多宗類似意外,爸媽不容忽視。另外,有爸媽自己忙於家頭細務時,會貪方便把幼兒放喺大人床上,然後喺幼兒旁放枕頭或被圍住,以為咁就安全。但幼兒未有性,當扭計大喊時,身體不斷扭動,將本來作保護嘅枕頭和被等物品推開,當佢扭到去床邊,而爸媽又無留意,就有可能跌落床生意外。

 

2 坐反高凳

好多媽媽因為要兼顧家務,有人會放幼兒喺高凳,扣上安全帶,以為穩陣,然後自己去煮飯。嬰孩年少活潑好動,郁手郁腳,有機會搖到反凳。

 

3 撞落枱角

開始學行學走嘅幼兒,好奇心特別強,當喺屋企四周走動,有何能因為企唔穩或行路唔穩而仆倒。若枱角櫃角無做特別保護,幼兒一仆就撞傷。

 

4 爬上窗台

香港樓宇奇則特別多,唔少人家中有個大到出奇嘅窗台。好多人都鍾意喺窗台變放梳化。小朋友成長期好動又好奇,爬上梳化再上窗台,探頭見街外世界好有趣,危險就在前一面。如爸媽剛好行開咗,無睇實就生意外。

 

5 手指插電掣

「窿窿」對小朋友嚟講係一個充滿「趣味」嘅東西,愈睇唔通,愈想去探知。電掣通常裝喺牆腳位置,剛好幼兒輕鬆觸手可及。如果電掣無套上保護套,小朋友手指幼細,一插進去就生意外。

 

6 地磚滑倒

家中舖地磚,有人為清潔打理方便,但地磚面滑,對幼兒而言係危機。好多爸媽擔心幼兒著涼受寒,喜歡日夜都幫幼兒著襪仔,著住襪踩磚面,大人都覺得滑,何況平衡力和自控能力有限嘅小朋友?就算著住襪底加防滑粒嘅襪都唔可靠,小朋友一跑就滑倒喺地,而地下又滿布玩具雜物的的話,撞傷更嚴重。要防止滑倒,家長宜在地磚面加轉墊。

 

 

你或會有興趣的相關文章:

燙傷急救勿敷冰 先沖水降溫避整穿水泡

舊樓水管生銹藏菌污染食水

 

TEXT: MaryLin

相關文章
漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物 洗衫勁落洗衣液             小心殘留刺激皮膚過敏洗衫勁落洗衣液 小心殘留刺激皮膚過敏 揀錯蔬菜一樣食肥人!              6款低熱量蔬菜揀錯蔬菜一樣食肥人! 6款低熱量蔬菜 朝早起身照鏡OMG      水腫點算好?朝早起身照鏡OMG 水腫點算好? 延年益壽唔使求仙丹   7個長壽要訣延年益壽唔使求仙丹 7個長壽要訣 瞓到半夜火燒心             胃酸倒流延醫增患癌風險瞓到半夜火燒心 胃酸倒流延醫增患癌風險 點食番茄先攝取最多營養?│食皮定去皮?煮定生食?點食番茄先攝取最多營養?│食皮定去皮?煮定生食? 羽絨被勁暖非人人啱冚              外國中佬羽絨過敏呼吸困難    羽絨被勁暖非人人啱冚 外國中佬羽絨過敏呼吸困難