燙傷急救勿敷冰 先沖水降溫避整穿水泡| likemagazine.com.hk
Beauty & Health
燙傷急救勿敷冰	先沖水降溫避整穿水泡

燙傷急救勿敷冰 先沖水降溫避整穿水泡

家居意外無人想發生,但萬一出事,點處理未必人人識。燙傷係其中一種常見家居意外,家中有熱水、滾湯、熱油,當不小心沾到皮膚上,除咗大叫痛之外,究竟要點處理呢?

 

有人第一時間諗到用冰,以低溫中和高溫,其實錯到離譜。因為冰塊會令血管收縮,令傷口加深,尤其燙傷面積大嘅話,更加唔好用冰敷。另外,又有諗到用牙膏敷,話涼涼地,可以消燙傷。又係錯,牙膏係用嚟刷牙,雖然含有微量抗菌劑,但有機會刺激患處,唔止對降溫無幫助,更可能愈敷愈傷。

 

家有一老嘅,喺意外發生時,最鍾意使出傳統智慧。燙傷用豉油搽患處,大家都聽得多,事實當然係唔建議。豉油係用嚟調味,唔係用嚟消毒傷口,若果真係得,我哋日日用嚟煮餸,咪即係等於慢性自殺?燙傷部位搽豉油,有可能引起感染,結果令患處要更長時間復原。如家中發生燙傷意外,正確要點做呢?大家記住急救5要點:沖、脫、泡、蓋、送。

 

1 急救首沖水

燙傷後,立即用大量流動嘅冷水沖洗患處約1530鐘,以快速降低皮膚表面熱度。

 

2 脫去貼著傷口嘅衣物

沖水後,如有衣物貼在燙傷位,小心移除,同時避免整穿傷口嘅水泡。如移開衣服時遇困難,可試下泡水,利用水嘅浮力令衣物唔會太緊貼皮膚。泡水時要留意,燙傷位會令水溫緩慢上升,若發現水溫太暖便要更換。仲有,如傷者係兒童或長者,或傷口面積好大,泡水不能太耐,以免失溫,延誤治療。

 

3 蓋上乾淨紗布

傷口易受細菌感染。如傷口大到送院或搵醫生治理,送院就醫前,記住要用乾淨嘅紗布或布塊冚住傷口,免得喺途上受感染。

 

 

 

你或會有興趣的相關文章:

5大實用妙法預防嘴唇爆擦

喉嚨痛作病? 教你感冒初起急救大法

 

TEXT: MaryLin

相關文章
食咖喱可增免疫抗病?              關鍵在「天然消炎藥」薑黃食咖喱可增免疫抗病? 關鍵在「天然消炎藥」薑黃 快速解辣飲水唔得架!真正解辣靠呢啲快速解辣飲水唔得架!真正解辣靠呢啲 黑朱古力抑食欲助控體重│每日30克血管更健康黑朱古力抑食欲助控體重│每日30克血管更健康 早餐第一口宜暖忌凍   理想早餐含3類食物早餐第一口宜暖忌凍 理想早餐含3類食物 食紅棗補血攝鐵量有限!         食紅棗補血攝鐵量有限! 培養行路好習慣                             輕鬆得到6個健康好處培養行路好習慣 輕鬆得到6個健康好處 凍齡秘訣在飲食│5種抗氧化緩衰老食物凍齡秘訣在飲食│5種抗氧化緩衰老食物 入屋除鞋腳臭好尷尬                   除腳臭要先知原因入屋除鞋腳臭好尷尬 除腳臭要先知原因