晨早起床飲杯水 應該刷牙前定後?| likemagazine.com.hk
Beauty & Health

晨早起床飲杯水 應該刷牙前定後?

一覺瞓醒,有啲口渴,飲杯水先。等等,你習慣刷牙前抑或刷牙後飲水呢?有人話,飲水要喺刷牙後,否則有害健康。究竟朝早飲水點至啱呢?

 

朝早飲水利康

晨早飲水點解被視為有利健康呢?因為經過一晚後,身體內積存代謝廢物,水有助清除,同時增進血液循環,刺激腸道蠕動。至於飲水應該喺刷牙前或後?出現爭議嘅原因係有人話未刷牙就飲水,會將積喺口腔內嘅細菌吞落肚。呢個講法未免太誇張,其實大家臨瞓前都習慣刷牙清潔口腔,就算經過一晚,口腔內係有菌,但不致於損健康。所以即使刷牙前飲水,無問題嘅。

 

暖水最好

朝早第一杯水,最好係暖水,有暖和身體作用。近年愛美族喜歡飲檸檬水,話清腸又美白又提神,如果腸胃差就唔建議,因檸檬味酸,可能傷胃。另外,唔建議飲蜂蜜水,雖然蜂蜜好滋潤,但係蜂蜜含果糖,屬高熱量。如患有糖尿病,千祈唔好,不利控制血糖。此外,飲水時唔好急,慢慢細口細口,大概200毫升就足夠,已經有為身體補水作用。

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫