13至15歲長高黃金檔 3個生活習慣助增高| likemagazine.com.hk
Beauty & Health

13至15歲長高黃金檔 3個生活習慣助增高

「我沒有六呎高,我卻會待你好……」身高呢家嘢,成年後無得改,係好多人一生嘅遺憾。所以愛子女嘅爸媽,唔想子女錯過年少時長高嘅機會,成年後因身高而自卑,就要留意以下長高要點。


中醫長高要訣 
男生喺15歳之前,女生13歲之前,係長高嘅黃金檔。身高除咗由先天基因所定,後天都有一定影響。中醫認為,要長高先要夠營養,要吸收營養,先要腸胃好。另外,長骨必要血養,血將養分送到全身各部分包括骨骼,骨頭營養好,便可以好好生長。所以當有少年就增高而向中醫求醫,中醫開嘅藥會以調理腸胃、補筋骨、促進血液循環為主。

早瞓助生長激素分泌
藥物以外,其實改變日常生活裡小習慣,都有助骨骼生長,幫助增高。第一,每晚10時至凌晨2時是生長激素分泌最旺盛時間,而熟睡時,身體處於休息狀況,生長激素分泌更多。所以正值成長期嘅少年早啲瞓有助長高。每晚10點前瞓最好,就算必要夜瞓,都唔好超過10點半。

跳躍運動增高
第二,做運動對身體好,更可以長高,尤其係跳躍動作。每日跳幾百下,無論跳繩或原地跳,總之跳下都好。

飲食攝鈣和蛋白質
第三,飲食攝取營養助長骨。正值發育期嘅少年飲食方面建議多攝取蛋白質,牛奶、豆漿、雞蛋、乳酪等都富含蛋白質。另外,足夠鈣質都好重要,因為鈣質有助鞏固骨骼。牛奶、奶類製品、深色綠葉蔬菜、連骨魚類等都富含鈣質。

 

TEXT: MaryLin

 

相關文章
食紅棗補血攝鐵量有限!         食紅棗補血攝鐵量有限! 防疫關鍵咪亂信網絡傳言│提醒親友3個瘋傳錯誤防疫資訊防疫關鍵咪亂信網絡傳言│提醒親友3個瘋傳錯誤防疫資訊 戒煙永遠唔會遲!研究:煙民戒煙後肺變好戒煙永遠唔會遲!研究:煙民戒煙後肺變好 天氣忽冷忽熱有乾咳│中醫教按穴止咳護肺天氣忽冷忽熱有乾咳│中醫教按穴止咳護肺 全城消毒搓手液賣斷市?大學教授教你 DIY              全城消毒搓手液賣斷市?大學教授教你 DIY 唔夠人早搶到口罩...過期口罩用唔用得?唔夠人早搶到口罩...過期口罩用唔用得? 素食者別忘補充膽鹼│缺乏膽鹼傷肝損記憶力素食者別忘補充膽鹼│缺乏膽鹼傷肝損記憶力 寵主唔使恐慌│世衛: 未有證據顯示貓狗會染武漢肺炎寵主唔使恐慌│世衛: 未有證據顯示貓狗會染武漢肺炎