民間偏方牙膏消暗瘡 抗菌力微刺激致發炎| likemagazine.com.hk
Beauty & Health
民間偏方牙膏消暗瘡		抗菌力微刺激致發炎

民間偏方牙膏消暗瘡 抗菌力微刺激致發炎

面上生暗瘡,醜到唔想見人,好多人第一時間諗點樣消痘。家中無暗瘡膏,網傳用牙膏都得。為盡快纖滅難睇嘅痘痘,唔理咁多試一舖,擦上去涼涼地,感覺良好。雖然有人話呢招偏方好得,但有醫護指出,擦牙膏消痘有機會導致皮膚刺激、發炎及過敏等,隨時愈搞愈禍!

 

暗瘡成因

既然又名「青春痘」,好明顯,暗瘡係青春期常有嘅皮膚問題,但唔代表成年人就唔會生暗瘡。要對付暗瘡,先要知道暗瘡嘅成因,主要有4個:毛囊受阻塞、皮脂腺分泌過盛、受細菌感染,以及毛囊及周圍組織發炎。

 

牙膏含微量抗菌成分

牙膏被視為治暗瘡偏方,因為其成分含有三氯沙等微量抗菌成分,或者對付輕微暗瘡有正面效果。若暗瘡嚴重或暗瘡形成因為受痤瘡桿菌感染而成,牙膏嘅抗菌力就唔足夠。要殺痘,都係用番專治暗瘡嘅含抗生素藥膏或殺菌藥膏。

 

成日摸更易染菌

另外,要暗瘡盡快痊癒,必要注意日常清潔衞生。有人生暗瘡後,成日覺得塊面有嘢唔靚,會唔自覺成日摸下佢。唔好呀,平時雙手四周摸,好多菌。暗瘡本身都係發緊炎,有菌作怪,你再加啲菌,會令暗瘡更嚴重。做番好清潔,多飲水,唔好食煎炸刺激食物,耐心等待幾天,暗瘡就會自己好。

 

 

你或會有興趣的相關文章:

從暗瘡位置看身體狀況

運動後肌膚變乾出粒粒

 

 

TEXT: MaryLin

相關文章
新春返內地防肺炎外   鼠疫都要留神                  新春返內地防肺炎外 鼠疫都要留神 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 出盡法寶都係瞓唔著│善用每日3個5分鐘│踢走失眠出盡法寶都係瞓唔著│善用每日3個5分鐘│踢走失眠 朝早起身照鏡OMG      水腫點算好?朝早起身照鏡OMG 水腫點算好? 過量飲用感冒熱飲可損肝                         易入口都係藥無病咪飲過量飲用感冒熱飲可損肝 易入口都係藥無病咪飲 跳繩15分鐘消卡更勝慢跑                       跳繩後伸展減肥效更高跳繩15分鐘消卡更勝慢跑 跳繩後伸展減肥效更高 用過嘅口罩亂丟易播菌│ 為人為己口罩要妥善處理用過嘅口罩亂丟易播菌│ 為人為己口罩要妥善處理 水果飯前定飯後食好?                              食錯水果可能致肥水果飯前定飯後食好? 食錯水果可能致肥