食飽午飯好眼瞓 3招防飯氣攻心要點 | likemagazine.com.hk
Beauty & Health
食飽午飯好眼瞓 3招防飯氣攻心要點

食飽午飯好眼瞓 3招防飯氣攻心要點

       

對打工仔嚟講,午飯係一日鬆一鬆時間。午飯食飽後,本來應該精神奕奕再搏殺過,但偏偏飯氣攻心,好眼瞓!唔想飯後勁「放蚊」,影響工作,食午飯時有3件事你要知。

 

咪食得急令腦缺血

經過一個上午努力,體力消耗得七七八八。有時未到放飯時間,個肚已經打晒鼓。所以唔少上班族午飯時一去到餐廳,極速落order,餐廳又好配合,極速上菜。碟飯熱辣辣,香味增食慾,於是「擒擒青」三扒兩撥食晒佢。唉!咁樣食法咪出事囉!要知道食物落肚,身體副交感神經開始活躍起嚟,增加消化道血流量,促進消化吸收。當你食得愈快愈急,令身體覺得要多啲血去到腸胃幫拖消化,於是供應大腦嘅血就會減少。腦部供血少,就會令人覺得精神不濟好想瞓。

 

慢慢咀嚼增飽足感

雖然午飯時間有限,但一般嚟食個飯絕對充足有餘,所以,何必好似「倒落口」咁食飯呢?食得愈急愈快,唔知飽,食得更多,唔止增加身體負荷,甚至變肥。須知道,慢慢食,細細咀嚼有助刺激大腦嘅飽食中樞,令人有飽足感,食少啲。而且將食物咬碎啲有助食物和口水混合,幫助胃腸消化吸收。

 

飯前飲杯咖啡或茶

飯前飲杯咖啡或茶,攝取咖啡因提神。點解要飯前飲?一向都係飯後先叫餐茶喎!其實咖啡因要發揮提神作用需要時間,一般為1530分鐘。所以飯前飲定,食完個飯就剛剛好,幫你上晒電準備下午嘅工作搏鬥。

 

 

你或會有興趣的相關文章:

飯後除口氣,香口膠外仲有...

睡魔急call 5招回魂

 

 

TEXT: MaryLin

相關文章
培養行路好習慣                             輕鬆得到6個健康好處培養行路好習慣 輕鬆得到6個健康好處 新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠 瞓前唔好玩手機             側身瞓住睇高危可致盲!         瞓前唔好玩手機 側身瞓住睇高危可致盲! 懶人開餐連袋加熱就食得         預先包裝食品安全食用?懶人開餐連袋加熱就食得 預先包裝食品安全食用? 瞓醒口氣臭到冤             中醫教判味知健康狀況瞓醒口氣臭到冤 中醫教判味知健康狀況 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 去廁所便便時玩手機   久坐馬桶易便秘生痔瘡去廁所便便時玩手機 久坐馬桶易便秘生痔瘡