毛巾發霉起黑點發臭 5個清洗毛巾要點| likemagazine.com.hk
Beauty & Health
毛巾發霉起黑點發臭		5個清洗毛巾要點

毛巾發霉起黑點發臭 5個清洗毛巾要點

毛巾發霉起黑點發臭                   5個清洗毛巾要點

有無發覺,日日同你有肌膚親密接觸嘅毛巾,用無耐就有陣怪味,而且摸上嚟黏黏,好似黐滿「潺」咁?喺天熱潮濕日子,毛巾更易幾霉,睇上去好核突。就算勤用水多洗幾次,情況依然,令人好苦惱。如要徹底清潔毛巾,令毛巾時刻保持乾淨乾爽不發臭,以下幾點要留意。

 

1 每星期消毒1

毛巾最好獨用,意思係洗面巾只用來洗面,抹身就用另一條毛巾,千祈唔好一巾多用,因為身上嘅分泌物、油脂和污垢會附喺毛巾上。另外,雖然有手尾又注重衞生嘅人,每次用完毛巾都會用水沖洗一下,但係唔夠架!建議每星期都消毒和徹底清洗一次,咁先夠潔淨。

 

2 高溫消毒

剛才提到要定期消毒,清毒要用高溫。將毛巾用熱水煮10分鐘,然後用清潔劑清洗一遍,然後拎去通風地方晾乾。懶人嫌煲水麻煩,你屋企有微波爐嗎?先用水洗一下毛巾,扭乾多餘水分,然後將濕毛巾放入微波爐叮5分鐘,都有高溫消毒效果。

 

3 梳打粉或醋除臭

如果毛巾發出異味,清洗時,可以在熱水加入適量白醋或梳打粉,可除臭除異味。

 

4 用完即晾乾

唔想毛巾出霉有黑點,記緊要有手尾,用完要立刻攤開晾起佢,晾毛巾嘅地方要通風,最好有陽光曬到,有助殺菌。

 

5 加鹽去黏潺

如果毛巾起潺,黏黏黐黐,清洗時可試加入鹽搓洗,然後再過清水。鹽有殺菌去味功效,如果毛巾洗過後仍然好快起潺,即係毛巾內積有很多油脂、污垢及細菌,已經夠期,係時候換新毛巾!

 

 

你或會有興趣的相關文章:

無紙巾日鼓勵少用紙巾

DIY環保酵素去污保健康

 

 

TEXT: MaryLin

相關文章
水果飯前定飯後食好?                              食錯水果可能致肥水果飯前定飯後食好? 食錯水果可能致肥 沖繩人長壽同飲食有關   高碳水化合物低蛋白質沖繩人長壽同飲食有關 高碳水化合物低蛋白質 怕膽固醇食蛋只食蛋白                              熱量低但營養不全怕膽固醇食蛋只食蛋白 熱量低但營養不全 告別傳統Sit up   9 招在家運動火速收腹告別傳統Sit up 9 招在家運動火速收腹 早上先運動後食早餐                   燃燒脂肪成效更高早上先運動後食早餐 燃燒脂肪成效更高 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 飲夠水更聰明                  定時補水咪等口渴先飲水飲夠水更聰明 定時補水咪等口渴先飲水