香港海底垃圾多花款 鬼網成隱形殺手| likemagazine.com.hk
Special
香港海底垃圾多花款	鬼網成隱形殺手

香港海底垃圾多花款 鬼網成隱形殺手

成日話,香港海洋污染日益嚴重,究竟情況有幾壞呢?今年67歲嘅Harry,熱愛潛水,近年不時潛入香港海底,唔止為欣賞海底奇觀,也志在執垃圾。「香港海洋垃圾林林種種,膠樽、發泡膠盒等好普通,我喺海底更見過雪櫃、洗衣機、床褥、冷氣機、石油氣罐、電腦等,仲有各種建材、醫療物品等。」

 

鬼網危機

生活垃圾滿布海底,執執埋埋,隨時可以整間海底示範單位!不過Harry話,海裡最大嘅危機原來係鬼網。「海底有好多廢棄漁網,都係漁民捕魚後留低嘅。海底嘅鬼網嚴重影響海洋珊瑚生長;鯊魚、鯨魚等海洋動物誤食漁網,危害生命。「喺海面飄浮嘅漁網,又叫幽靈網,係海洋殺手,好難察覺。鬼網好似吸塵機咁,將海面雜物捲起嚟。船隻航行期間,有機會捲入漁網,影響航行安全。」

海底有很多漁民遺棄的魚網,為海上活動帶來危機。

 

公眾健康受威脅

海底愈來愈污糟,好多人都知海洋生物受影響,但Harry話其實生活喺陸地岸上嘅人類,健康都受威脅。更對公眾健康有威垃圾隨著海洋水流飄浮,更有機會將病毒由一個地方帶到去另一個地方。。「廢膠、魚網等垃圾有機會釋出毒素,水資源受污染,當我們食海鮮、進行水上活動等,『毒水』進入體內,不利健康。」

Harry不時出海潛水,把海底垃圾撈上岸,雖然一人之力有限,但他都落力去做,盡力清潔海洋。

 

做榜樣感染他人

67年前,Harry開始自發潛入海底執垃圾。佢話因為已退休,較自由,所以盡一點力回饋社會。雖然憑一人之力,可以做到嘅有限,但都要做。「我想令多人知道海洋污染問題,帶動更多人支持環保。」現時佢每個月平均出海23次,主要到芝麻灣、石澳等地方海底執垃圾。「自己做榜樣,希望感染其他人。」Harry好高興近年漸多熱愛潛水嘅人或團體關注海洋污染問題,主動舉辦清潔海底活動。佢建議有興趣參與嘅人,可以留意一些潛水會嘅最新消息。Harry表示,海底垃圾種類繁多,多數是家居垃圾,還有建材。

 

INFO

https://www.facebook.com/harry.chan

https://www.facebook.com/BlingBlingOcean

 

 

 

你或會有興趣的相關文章:

探索水底奇幻世界 SUUNTO可靠穩定伴你潛行

 

 

 

TEXT: MaryLin

相關文章
Dustykid新作鼓勵愛自己自救│首推兒童繪本關注兒童情緒健康Dustykid新作鼓勵愛自己自救│首推兒童繪本關注兒童情緒健康 南涌出發1小時達屏嘉石澗 | 觀賞香港大型壼穴奇景南涌出發1小時達屏嘉石澗 | 觀賞香港大型壼穴奇景 油麻地竟然搵到呢款傳統美食│潮州冷糕外脆內甜絲絲油麻地竟然搵到呢款傳統美食│潮州冷糕外脆內甜絲絲 黃大仙出發行1小時瞰九龍半島│沙田坳獅子亭打卡歎山水豆腐花黃大仙出發行1小時瞰九龍半島│沙田坳獅子亭打卡歎山水豆腐花 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景 周末好去處│大館內尋找昔日標牌│看170年歷史變遷周末好去處│大館內尋找昔日標牌│看170年歷史變遷 不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處 放假登香港山頂邂逅巨星│與動漫主角互動打卡玩一番放假登香港山頂邂逅巨星│與動漫主角互動打卡玩一番