立冬進補暖身禦寒 健康補身素版大補湯

一年有二十四氣節，今天係「立冬」。由於冬天日短夜長，傳統要食補品暖身，迎接冬天來臨，抵禦寒冬，俗稱「補冬」。

進補之選羊肉及四神湯

冬令進補以健脾胃、養腎氣為主。講到進補之物，羊肉上榜。因為羊肉溫補，又有潤肺、補腎嘅效果。另外，民間智慧進補有四神湯，當中嘅茯苓、芡實、蓮子、山藥、薏仁都是補脾胃嘅食材。

進補過度生痘痘

進補目的為使身體暖和起來，能抵禦寒冷天氣，但切忌為暖而補過頭。例如羊肉煲、薑母鴨、麻油雞等食物較燥熱，如果進食後出現生痘痘、流鼻血、便秘等，代表身體唔係好適應，唔好再食喇！此外，補湯通常用上肉類、肉臟等熬製，而且講求火喉，煲得耐易產生大量嘌呤，患有痛風、腎功能不佳等嘅人要淺嚐為妙。

配搭涼性食物

飲食重平衡，如進補之時不想令身體吃不消，除了要適可而止，仲建議搭配涼性食物如白菜、水梨、白蘿蔔等，甚至多加一點蔬菜、菇類等，減熱量，加膳食纖維，減少身體負擔。

營養師教路健康進補

中國人進補，大魚大肉，重口味又油膩，唔多符合現今健康飲食潮流。偏好清淡口味，甚至如素嘅人，營養師教路用當季蔬食炮製「大補湯」，就算無肉，一樣營養豐富又美味。呢煲素味大補湯做法簡單，先用菠菜、紅蘿蔔、香菇、芹菜、鮮黑木耳、粟米煲成湯。豆腐加白糯米粉、黑芝麻搓成團子，並加入芝士其中，整成丸子。最後將丸子放進湯內煮滾便可。豆腐、黑芝麻、芝士富含鈣質，對骨骼健康好。湯中蔬菜含膳食纖維及維他命，而且熱量低，助排便，幫助膽固醇代謝。

你或會有興趣的相關文章：

台食譜作家教自製滴雞精

冬天按體質進補

TEXT: MaryLin