膳食纖維係人體清道夫 紅腰豆比蘋果連皮更多纖維| likemagazine.com.hk
Beauty & Health
膳食纖維係人體清道夫                              紅腰豆比蘋果連皮更多纖維

膳食纖維係人體清道夫 紅腰豆比蘋果連皮更多纖維

衡均營養中,不時提到膳食纖維。膳食纖維係人體「清道夫」,由於一般不易被消化,能刺激腸道蠕動,不但有助紓緩便泌,有助於降膽固醇、控血糖、控制體重,而且還是腸道益生菌的食物來源。根據衞生署資訊,成年人每天應攝取不少於25克嘅膳食纖維,但多數人每日都唔達標,多數少於20克。25克膳食纖維即係要食幾多嘢呢?以100克為單位計,蘋果連皮有2.4克膳食纖維;香蕉有2.6克;西蘭花有3.3克;番薯連皮有3.3克。多數人認知入面,蔬果富含膳食纖維,因為食落要咬要嚼,仲見到一絲絲纖維,但其實食感軟綿嘅豆類先係「纖維王」。同樣以100克為單位,熟鷹嘴豆有7.6克;熟紅腰豆有7.4克;熟綠豆有7.6克。不過相信大家最估唔到嘅係乾果原來膳食纖維勁多,每100克烤杏仁有11.8克膳食纖維;烤芝麻仲厲害,每100克有14克膳食纖維。近年深受大眾熱愛嘅燕麥片,熟食,每100克可攝取10.6克膳食纖維。對多數人嚟講,一日攝取25克膳食纖維有難度。但只要記住日日23,即2份水果3份蔬菜,早餐盡量加入燕麥或麥包之類,另外喺下午茶時段或小食選食果仁,飯餐以糙米飯為首選,少食白飯,達標好輕鬆。

 

TEXT: MaryLin

相關文章
身體出現呢4個症狀│警告你食得太鹹身體出現呢4個症狀│警告你食得太鹹 【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 遇上灰甲點算好?激光治療深入解決問題!遇上灰甲點算好?激光治療深入解決問題! 工作太忙變肥易攰憂鬱│咪以為年紀大所致│可能係甲狀腺低下工作太忙變肥易攰憂鬱│咪以為年紀大所致│可能係甲狀腺低下 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 疫情下被迫在家工作│4招擊退腰痠背痛疫情下被迫在家工作│4招擊退腰痠背痛 上班族壓力大心情差│必食呢5種營養素助紓壓上班族壓力大心情差│必食呢5種營養素助紓壓 春季忽冷忽熱易染病│提升免疫力7個飲食要點春季忽冷忽熱易染病│提升免疫力7個飲食要點