舊樓水管生銹藏菌污染食水 定期檢查換銹喉保健康| likemagazine.com.hk
Beauty & Health
舊樓水管生銹藏菌污染食水                    定期檢查換銹喉保健康

舊樓水管生銹藏菌污染食水 定期檢查換銹喉保健康

香港人其實好幸福,打開水喉就有水用,而且香港水質喺世界上算優良,假設供水系統保養好,而且屋苑大廈又有定期清洗食水缸,並且密切監測水質,基本上打開開喉,水可以直接飲用,唔使煲。不過近年不時發生有人投訴家居食水不潔,水變黃,又有雜質。成因之一係水管生銹。其實依家嘅樓宇多水管多數係銅喉,但多樓齡大嘅舊樓依然用緊無內搪層嘅鐵喉。呢種喉管用耐咗會生銹,當食水停留喺生銹喉管內一段時,水會變黃。黃色物質係鐵質,基本上對身體無害。但係若果接受唔到飲用黃色嘅水,只要開住水喉數分鐘,食水慢慢會由黃變番透明。不過,最近有一單令人反胃嘅新聞,話說港九各有屋苑居民投訴食水好污糟,除咗開出嚟係啡黃色,而且有惡臭味。經過渠務專家拆開水管檢查後,發現喉管嚴重堵塞,滿布污垢。要確保食水乾淨及安全飲用,最直接方法當然是定期清潔喉管。另外,愈來愈多家庭安裝濾水器,把來水再過濾,以策安全。市場上出售嘅濾水器款式多多,家用嘅類型主要有水龍頭裝套型、水盤上型、水管直駁型,原理係利用濾芯過濾雜質。常見濾芯有:活性碳濾芯、綿芯、陶瓷濾芯和液滲透/薄膜濾芯。各種濾芯各有利弊,大家可按個人及家庭需要選擇。如目標為減低食水中含鉛量,則要選購具美國國家衞生基金會NSF 5358標準認證的濾水器。在使用濾水器時,有幾點必要注意。第一,濾水器不能抵受高水壓;第二,千祈唔好用來過濾熱水;第三,濾芯積存雜質易成為細菌溫床,所以要定期更換。雖然使用濾水器可以令食水更潔淨,但有可能同時將人體所需嘅微量礦物質都濾走,大家要自行衡量健康需要。

 

TEXT: MaryLin

相關文章
疫情下怕被誤會歧視│捏鼻死忍唔打乞嚏致喉嚨撕裂疫情下怕被誤會歧視│捏鼻死忍唔打乞嚏致喉嚨撕裂 沖繩人長壽同飲食有關   高碳水化合物低蛋白質沖繩人長壽同飲食有關 高碳水化合物低蛋白質 瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠 勤洗手雙手易變乾│潤手霜護手要點揀?勤洗手雙手易變乾│潤手霜護手要點揀? 巴西發現神秘新病毒│9成基因無法辨識│恐存巨大變異巴西發現神秘新病毒│9成基因無法辨識│恐存巨大變異 魚油VS 魚肝油│唔一樣架!營養成分大不同魚油VS 魚肝油│唔一樣架!營養成分大不同 搶到漂白水又如何?   你識得點用嚟清潔清毒嗎?搶到漂白水又如何? 你識得點用嚟清潔清毒嗎? 想長壽,飲食要唔怕臭!│日食納豆降死亡率10%想長壽,飲食要唔怕臭!│日食納豆降死亡率10%