豆漿有益但含植物激素 台女當水飲患子宮肌瘤| likemagazine.com.hk
Beauty & Health
豆漿有益但含植物激素              台女當水飲患子宮肌瘤

豆漿有益但含植物激素 台女當水飲患子宮肌瘤

好多唔鍾意飲奶嘅人都會飲豆漿作替代,以攝取營養。豆漿除含有豐富蛋白質、大豆卵磷脂外,還有異黄酮。異黃酮被喻為天然嘅女性荷爾蒙,可調節女性體內賀爾蒙,改善女性因年紀增長雌激素分泌減少而出現嘅問題,以及舒緩更年期潮熱症狀。不過老土嗰句,就算豆漿幾有益,飲都要適可而止。台灣曾有女子將豆漿當水飲,每日飲15002000毫升,結果誘發子宮肌瘤。不過呢個係極端例子,實際上飲豆漿而導致子宮肌瘤嘅風險唔太高,因為有調查指,大部分異黃酮人體係無法直接吸收到。另有人擔心,異黃酮係雌激素一種,會增加乳癌風險,但過去已經有好多研究證實唔會,甚至有研究顯示會降低停經後婦女罹患風險。講到底,正常飲用,唔過量,唔會有問題。但當然豆漿唔係人人啱飲,例如對大豆蛋白敏感者唔適宜飲,患腎衰竭而未洗腎的人士因對每日攝取嘅蛋白質或有限制,所以飲用要小心衡量。另外,由於豆漿中有可代謝成尿酸的普林,痛風人士亦需注意,不過含量相比食肉為低,只要適量飲都係安全。

 

TEXT: MaryLin

相關文章
執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫 向日本OL偷師!纖體美肌首選小球藻向日本OL偷師!纖體美肌首選小球藻