食杯麵有專用叉 128度彎曲食麵更就手| likemagazine.com.hk
Special
食杯麵有專用叉             128度彎曲食麵更就手

食杯麵有專用叉 128度彎曲食麵更就手

日本人怪主意多多,為食薯片時唔好整污糟手指,會發明專用薯片夾。食杯麵要用叉,發現用一般叉,角度唔啱,食到底撈起麵有難度,全程食得唔夠爽。所以,日本有公司推出杯麵專用叉,提升喜歡食杯麵嘅人食麵體驗。呢個叉設計簡約,望落都似隻叉,只係叉頭側埋一邊。話說設計師參考大眾食杯麵時嘅動作,將叉頭設計成128度彎曲,彎彎地完全配合杯身,撈麵出來更順暢。另外,專用叉嘅叉齒有特別設計,令食麵時唔會出現麵條從叉上滑落情況。彎彎嘅叉又方便你撈出杯底嘅蛋粒和菜粒。叉身作夾子,夾住杯麵蓋,方便焗麵,又唔使擔心隻叉唔知放喺邊。日本人設計向來貼心,呢隻專用叉分紅白兩款,分別為左撇子和右撇子嘅人而設,仲有埋個專用收納盒。據悉,杯麵專用叉早前接受預購,與杯麵以套裝式發售,限量3,000套。當然一推出就賣晒啦!反應咁好,希望快啲大量公開發售,等所有杯麵迷都可以體驗一下。

 

TEXT: MaryLin

相關文章
台網民選最有出息工作              房東被公認最夢幻台網民選最有出息工作 房東被公認最夢幻 結婚勁使錢嚇怕人                        6個結婚成本貴國家                    結婚勁使錢嚇怕人 6個結婚成本貴國家 珠峰垃圾愈積愈多        環團回收再造變家用品珠峰垃圾愈積愈多 環團回收再造變家用品 眼鏡界新潮可持續眼鏡              咖啡渣洗頭水樽造鏡框眼鏡界新潮可持續眼鏡 咖啡渣洗頭水樽造鏡框 美國佛州橙樹染病                2/3果汁廠停業美國佛州橙樹染病 2/3果汁廠停業 番茄皮雞蛋殼好有用                   剩食造輪胎更堅韌耐用番茄皮雞蛋殼好有用 剩食造輪胎更堅韌耐用 世界最恐怖鬼屋嚇破膽              成功挑戰可得2萬美元世界最恐怖鬼屋嚇破膽 成功挑戰可得2萬美元 羽絨褸唔一定要乾洗                   教你自家水洗羽絨方法羽絨褸唔一定要乾洗 教你自家水洗羽絨方法