OL久坐易便秘 一組簡單伸展動作助暢便| likemagazine.com.hk
Beauty & Health
OL久坐易便秘         一組簡單伸展動作暢便

OL久坐易便秘 一組簡單伸展動作助暢便

對好多OL嚟講,返工由朝坐到晚,唔止坐到腰骨酸痛、pat pat變大之外,最難頂係便秘。坐喺馬桶良久無所出,到有便意時,又分身不暇去廁所,結果「有入無去」,肚仔谷谷,勁唔爽!為咗令腸道暢通,除咗逼自己飲多啲水、多食菜蔬、乳酪外,日本有瑜伽老師教路,只要做一啲簡單伸展運動,都有刺激腸道,幫助排便。由於女性嘅腹肌較男性弱,下腹難用力,去廁所時唔夠力將便便推出,日積月累就有便秘。通過做伸展運動,提高腹部活動,有助鍛鍊腹部肌肉,仲可以去水腫添!呢組伸展運動真係超簡單,先搵一張凳,坐上去,背伸直,唔好靠椅背。張腳張開至稍稍超過雙肩,然後呼氣,呼氣時腹部要凹入去先為正確。之後吸氣,直至腹部脹起,持續做幾次呼吸,熱下身。跟著左手叉腰,右手向上提起伸直,一邊慢慢呼氣,一邊向左邊身伸展過去,你會感覺到右側腹有拉扯感覺,持續35下呼吸。其後,一邊吸氣一邊將身體返正。換邊再做。每日做1分鐘,每星期做3次,持續3星期,你就會感受到效果。

 

TEXT: MaryLin

相關文章
工作壓力大精神繃緊?              伸伸脷舒壓放鬆工作壓力大精神繃緊? 伸伸脷舒壓放鬆 補鈣唔係老人和女人專利         鈣搭配維他命D效果更佳補鈣唔係老人和女人專利 鈣搭配維他命D效果更佳 戴口罩保護未夠全面│點解醫生籲戴眼鏡防疫?戴口罩保護未夠全面│點解醫生籲戴眼鏡防疫? 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 上班族難言之隱             便秘少食7類食物上班族難言之隱 便秘少食7類食物 氣炸鍋用少啲油真健康? 高溫烹調一樣釋致癌物氣炸鍋用少啲油真健康? 高溫烹調一樣釋致癌物 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 新春難拒美食誘惑        事後唔食晚餐減肥得唔得?新春難拒美食誘惑 事後唔食晚餐減肥得唔得?