綠色膠樽可口可樂 全球首用海洋垃圾造膠樽| likemagazine.com.hk
精選活動
綠色膠樽可口可樂        全球首用海洋垃圾造膠樽

綠色膠樽可口可樂 全球首用海洋垃圾造膠樽

膠樽裝飲料一直被指為地球帶來嚴重污染,破壞環境,尤其係影響海洋生態。社會各界為支持環保,積極回收膠樽,並將之再造。可口可樂貴為全球最大嘅飲料生產商,多年來被環保組織指應為環境污染負責,並應擔當回收再造嘅榜樣。最近,可口可樂發放消息,推出世界第一款使用回收海洋塑料垃圾為原料製造嘅再生飲品樽。今次試驗係可口可樂與荷蘭嘅初創企業公司及PET塑料供應商合作,共製造咗300個樽,原料中25%塑料嚟自喺地中海一帶海洋及沙灘收集得嚟嘅海洋塑料。試驗證明一向被視為不能回收嘅低質塑膠都可分解,並經特別技術除雜質,令塑料可應用於食品包裝上。雖然技術未成完全成熟,「環保膠樽」未可大量生產,但可口可樂表示,已計劃由2020起,在飲料膠樽加入回收塑料成分。

 

TEXT: MaryLin

相關文章
聖誕好去處|CHILL 11 體驗香港特色文化 食買玩應有盡有聖誕好去處|CHILL 11 體驗香港特色文化 食買玩應有盡有