南美一家三餐無蟲不歡 食蟲可解決糧食短缺問題 | likemagazine.com.hk
Special
食蟲可解決糧食短缺問題

南美一家三餐無蟲不歡 食蟲可解決糧食短缺問題

世界上美食何其多,試過山珍海錯,有興趣回歸基本,食蟲嗎?一聽到食蟲,有人毛管恫,但試過蟲滋味嘅人都話其實食蟲無乜大不了,味道可口,爽脆如薯片。喺中美洲哥斯達黎加就有一家人勁愛食蟲,一日三餐無蟲不歡。點煮蟲至美味呢?負責煮餸嘅太太最拿手一道菜係油炸蟋蟀配檸檬汁。佢個女由細食蟲大,食蟲已經成為佢日常飲食一部分。根據聯合國糧食及農業組織資料顯示,全世界可食用的昆蟲多達 1,900 多種,食蟲唔止可以解決糧食短缺問題,仲可以減少污染添!其實時至今日,食蟲真係唔出奇。好多地方都有特色蟲蟲美食,而且大受歡迎。近近地講中國,昆蟲入饌歷史悠久,廣東名菜禾蟲焗蛋、和味龍虱,一直甚受老饕喜愛。喺韓國,超市就有罐頭蠶蛹賣。喺泰國、柬埔寨嘅街邊熟食檔,經常可見炸蠍子蹤影。喺芬蘭,一家百年麵包店推出咗蟋蟀麵包。食蟲聽落核突恐怖,但從營養角度睇,係一件可取嘅事。昆蟲含有豐富的蛋白質、鐵質、鈣質、B12 以及 9 種人體需要的氨基酸,營養不比一般肉食差,重點係食蟲唔怕有誤食激素、抗生素,相對嚟講,好似更健康。

 

TEXT: MaryLin

相關文章
不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景 萬聖節扮鬼又點南瓜燈│你知道點解嗎?      萬聖節扮鬼又點南瓜燈│你知道點解嗎? 真正屬於香港人的中秋月餅│ 大歡喜餅家傳統廣式月餅真正屬於香港人的中秋月餅│ 大歡喜餅家傳統廣式月餅 年度素食界盛事│亞洲素食展月底重啟年度素食界盛事│亞洲素食展月底重啟 手機都影到靚香港夜景│龍翔道觀景台俯瞰萬家燈火手機都影到靚香港夜景│龍翔道觀景台俯瞰萬家燈火 南涌出發1小時達屏嘉石澗 | 觀賞香港大型壼穴奇景南涌出發1小時達屏嘉石澗 | 觀賞香港大型壼穴奇景