阿媽話趁熱食先有益 英男食熱魚餅燙傷喉嚨後死亡| likemagazine.com.hk
健康及美妝
阿媽成日話趁熱食	英男食熱魚餅燙傷喉嚨後死亡

阿媽話趁熱食先有益 英男食熱魚餅燙傷喉嚨後死亡

開飯時,經常聽到長輩們話:「趁熱食!」雖然有啲食物熱食確係美味,但係趁熱食原來有危機。喺英國,有位婚禮場地老闆就因為食咗塊熱辣辣嘅魚餅而死咗,OMG!件事係咁嘅,呢位老闆有日準備離開婚禮場地之際,被主廚叫停,要佢試下魚餅味道。作為負責人,當然緊張出品服務,於是將熱辣辣魚餅放入口試真味道。點知一食大件事,唔止辣痛喉嚨,仲腫起嚟,令佢呼吸唔到。佢後來被送去醫院治理,醫生開藥俾佢,叮囑佢如果再痛嘅話就返去覆診,然後著佢返屋企休息。當晚,老闆嘅partner聽到屋內有吵聲,於是上樓睇下咩事,發現老闆哽親咁彈起身,狂咳唔停,於是佢拍下佢後背,點知一拍老闆就向前跣低喺地。情況緊急,partner即刻叫救護車,可惜因樓宇郵政號誤會,結果救護遲咗5分鐘到達。老闆被送到醫院急救,但最後返魂乏術。悲劇發生無人想見到,中國人喜愛熱食,所以大家食熱嘢要小心。其實長期食太熱嘅食物,有可能有害口腔和食道。世衞已經將高溫(超過攝氏65)嘅飲料和食物列為2A級致癌物質。65度係咩概念呢?平時我哋食嘢,好少拎支探熱針出嚟量溫度,人體正常體溫約37.5度,65度即係差多一倍,平時食到嘅熱到出煙嘅食品都超過65度。進食太熱食物或飲料,常見灼傷口腔,除咗疼痛以外,嚴重更喺潰瘍或出血。

 

TEXT: MaryLin

相關文章
美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗 【小編試用報告】韓國首創1+2混合配方│自製個人專屬洗髮露【小編試用報告】韓國首創1+2混合配方│自製個人專屬洗髮露 【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞 【日本人氣】長期失眠不利心理及生理健康│優睡素改善睡眠質量瞓得好【日本人氣】長期失眠不利心理及生理健康│優睡素改善睡眠質量瞓得好 【小編試用報告】每次經期痛到變蝦米│調經油按摩行氣活血減痛【小編試用報告】每次經期痛到變蝦米│調經油按摩行氣活血減痛 【健康Tips】夏天雨季來拒絕人蚊大戰│小編實測5種天然驅蚊法點評【健康Tips】夏天雨季來拒絕人蚊大戰│小編實測5種天然驅蚊法點評