世界最恐怖鬼屋嚇破膽 成功挑戰可得2萬美元| likemagazine.com.hk
Special
世界最恐怖鬼屋嚇破膽	成功挑戰可得2萬美元

世界最恐怖鬼屋嚇破膽 成功挑戰可得2萬美元

萬聖節快到,入鬼屋玩一餐係尋常慶祝活動之一。香港所謂嘅「鬼屋」,論驚嚇程度,其實同外國真係無得比,不過隨便有人出嚟嚇下你,叫做過下癮。講到全球有名嚇破膽嘅鬼屋,位於美國聖地牙哥嘅McKamey Manor應該榜上有名。呢個莊園主要按照電影入面發生嘅驚悚情節設計,參加者入內會受到各種的恐怖挑戰和虐待,包括被淋假血、鎖鍊綁四肢、被逼食蟲、頭被塞馬桶、與蛇蟲同處等。體驗度身訂造,時間可以長達10小時,每次最多只接待兩人。點解全世界都點名話呢個莊園係世界上最恐怖嘅鬼屋?因為開業至今10幾年,未有人成功挑戰所有關卡。雖然園方講明成功行晒有獎金2萬美元,但係好多自命膽生毛嘅人入去後都無辦法玩晒全程。曾有挑戰勇士更喺逃出恐怖莊園後,因身心受巨創而報警。不過,每位參加者入場前都簽咗長達40頁責任聲明書,後果自責,所以案件不獲警方受理。McKamey Manor全年開放,每星期有一節體驗機會,費用全免,但歡迎作出捐款。玩家必須年滿21歲,接受醫療檢查及交出病歷證明。

 

TEXT: MaryLin

相關文章
飼養寵物鼠請三思        事前了解寵物特性免棄養飼養寵物鼠請三思 事前了解寵物特性免棄養 2020年鼠年犯太歲生肖+拜太歲攻略2020年鼠年犯太歲生肖+拜太歲攻略 廁紙一卷難求成賊人目標│話你知關於廁紙嘅5件事廁紙一卷難求成賊人目標│話你知關於廁紙嘅5件事 約會點打扮提升脫單機會?男女約會打扮3寶約會點打扮提升脫單機會?男女約會打扮3寶