結婚勁使錢嚇怕人 6個結婚成本貴國家 | likemagazine.com.hk
Special
結婚勁使錢嚇怕人		6個結婚成本貴國家

結婚勁使錢嚇怕人 6個結婚成本貴國家

男大當婚,女大當嫁。不過要喺茫茫人海中搵到心儀對象,仲可以同佢行埋人生下半場,談何容易?結婚在很多國家係一個熱門話題,而且不少國家嘅男人面對聚唔到老婆嘅苦況。男人要孤寡度餘生,有人歸咎於男女比例失衡;另外亦有人指聚妻使錢太多,窮人拎唔出聘禮,唯有單身吧!講到世界上娶老婆最難嘅國家有以下6個國家,大家各有苦處!至於香港,去年有調查訪問於20182020年結婚嘅新人,得出平均開支為36萬。7成受訪者都話婚禮開支超預算。

 

阿聯酋:

一般而言,當地男性開始投身社會工作便會被家人催婚;而女性滿18歲,無論係咪繼續升學,都會開始物色伴侶。由於阿聯酋人口約8成為外來人,男性如拒絕發展異國戀,要在有限嘅阿聯酋女性裡搵到合適對象確有難度。而且按阿聯酋傳統,結婚係兩個家族嘅大事,聘禮要體面,加上女性結婚便當家庭主婦,家庭開支全由男性負擔,所以結婚對阿聯酋男性來說有沉重壓力,概括而言,結婚要使約數十萬港幣開支走唔甩。不過當地人接受「分期付款」,有助男方減壓。此外,當地政府都知道男人結婚之苦,所以提供「結婚基金」,鼓勵當地人通婚。

 

中國

中國因為曾實行「一孩政策」,結果令現今社會結構出現男多女少的狀況。適婚男女數量失衡,成功搵到對象更難。另外,隨著社會發展,女性對結婚睇法改變,在選擇伴侶方面比以前更自主,要求更高。加上中國人重視傳統、禮儀、面子,結婚係人生大事,不可失禮,禮金、買房、買車、酒席等支出,合計起來很龐大,非一般家庭能擔得起。

 

韓國

韓國人婚禮習俗跟中國不同,禮金由女方給男方,而且跟中國人一樣,結緍要派頭、要面子,所以女方要送名貴禮物給男方全家長輩及兄弟姊妹,加埋為男家公婆、直系長輩訂造韓服,以及為男方由頭到腳行頭做準備,花費合共至少約十數萬港幣。婚禮方面,韓國出名貴,仲有韓國都流行婚後度蜜月,有調查顯示,韓國人結婚平均使費約30多萬港幣。另外,新房雖一般由男方負責,但內裡家具、裝潢都係歸女方埋單。簡單講,韓女要結婚,一定要儲好一大筆。

 

科威特:

既為石油出產國,錢,當地人唔係無,結唔成婚,又係因為揾唔到對象。當地都都男女嚴重失衡,有人講笑話,喺當地娶老婆同買個老婆差唔多。

 

卡塔爾:

同樣係石油國,錢大把,當地人生活富庶,結婚咁大件事,當然更豪華地慶祝。據講當地人娶老婆閒閒地使約百萬港幣。有錢就係任性?喺呢個國家,錢就係身分。

 

巴林:

呢個國家生活成本一向偏高,可能因為外來人多,仲有通貨膨脹,當地生活成本頗高。根據美世2018年嘅生活成本調查,巴林首都麥納瑪排行第77位。當地男人結婚一般要用上34年積蓄。

 

參考資料:http://theguardiancn.com/detail-1815.html

 

 

TEXT: MaryLin

相關文章
中國人為舌尖勁浪費食物         一年丟棄5千萬人一年食物量中國人為舌尖勁浪費食物 一年丟棄5千萬人一年食物量 川菜登中菜系排行榜首              日本菜成最愛國際菜系川菜登中菜系排行榜首 日本菜成最愛國際菜系 物歸原主唔靠警察        英國好人靠銀行轉賬搵物主物歸原主唔靠警察 英國好人靠銀行轉賬搵物主 香港居全球最富有城市第8                      香港居全球最富有城市第8 泡茶後茶包唔係廢物             妙用茶包美容去味養花泡茶後茶包唔係廢物 妙用茶包美容去味養花 世界最恐怖鬼屋嚇破膽              成功挑戰可得2萬美元世界最恐怖鬼屋嚇破膽 成功挑戰可得2萬美元 荔枝角大樹先生的家大變身              藍白打造 夏日海洋風情        荔枝角大樹先生的家大變身 藍白打造 夏日海洋風情 化身春日部防衛隊救地球                         率先玩小新VR遊戲     化身春日部防衛隊救地球 率先玩小新VR遊戲