秋風起雙唇甩皮 臨瞓搽油護唇好WORK| likemagazine.com.hk
Beauty & Health
秋風起雙唇甩皮	臨瞓搽油護唇好WORK

秋風起雙唇甩皮 臨瞓搽油護唇好WORK

踏入秋季,天氣乾燥,開始覺得嘴唇變乾嗎?唇部皮膚薄,唇部由於無汗腺和皮脂腺,當空氣濕度降低,加上風吹、日曬等刺激,容易缺水。要雙唇持久水潤嫩滑,唇部保養不可少。唇部和身體其他部位皮膚一樣,會自然脫落角質層。唇部角質層只有面部嘅1/3,加上無汗腺和皮脂腺保護,份外脆弱,所以唔使特別去角質,以免受刺激。不過若因為有死皮問題,覺得不自在,切記唔好用手搣,否則有可能弄傷唇部皮膚,引起炎症。建議可用暖濕毛巾敷在唇部,待死皮軟化後,輕輕擦走。又或者可以在橄欖油或蜂蜜裡加糖,搽喺唇上,然後輕輕磨走死皮。日常保養方面,尤其秋冬天,臨瞓前喺唇部搽啲油脂,可以令角質軟化,翌日起床用沾濕嘅化妝棉擦走死皮,唇部回復柔軟潤澤。油脂選擇方面,坊間激讚又平又抵用嘅凡士林;另外,橄欖油都可取。至於日常護理,唔好舔唇係常識吧!愈舔愈乾,爆埋唇仲衰。都係悉悉乖乖搽潤唇膏啦!如果有搽唇膏習慣,記得必要卸唇妝,否則唇膏色料殘留喺唇部皮膚裡,日積月累,有機會因氧化、代謝等影響唇部皮膚健康,以及形成黑色沉澱,令唇色愈來愈深。

 

TEXT: MaryLin

相關文章
 【正確戴口罩】一眼分清正反面!預防肺炎,戴啱口罩先有保護力   【正確戴口罩】一眼分清正反面!預防肺炎,戴啱口罩先有保護力 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」 天冷飲乜熱飲最暖身?薑湯竟然輸俾熱朱古力天冷飲乜熱飲最暖身?薑湯竟然輸俾熱朱古力 沖廁蓋廁板防菌未夠架!記住定期用漂白水洗廁沖廁蓋廁板防菌未夠架!記住定期用漂白水洗廁 跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 秋冬天氣乾燥 4步做好頭髮護理 擊敗頭皮屑!秋冬天氣乾燥 4步做好頭髮護理 擊敗頭皮屑! 入廚新丁問題天天多   雞蛋室溫定冷藏保存?入廚新丁問題天天多 雞蛋室溫定冷藏保存? 洗衫勁落洗衣液             小心殘留刺激皮膚過敏洗衫勁落洗衣液 小心殘留刺激皮膚過敏