即食麵好味但無營 6個較健康食法建議| likemagazine.com.hk
Beauty & Health
即食麵好味但無營	6個較健康食法建議

即食麵好味但無營 6個較健康食法建議

即食麵可以話係近代偉大嘅食品發明,為好多懶到出汁嘅人解決三餐問題。雖然即食麵食用方便,但一直被視為無營養食物,高脂高鈉,多食危害健康。即食麵營養唔合格,首先來自其製法。為保存更長時間,多數即食麵都以油炸方式製麵,好處係高溫油炸將麵含水量降低,以及殺菌。經油炸嘅即食麵,卡路里和反式脂肪偏高,增加心血管疾病風險。想食又要健康,宜選麵底非油炸或烘乾嘅,即食米粉係其中一個選擇;另外,以天然日曬製成嘅麵條都可取。即食麵多食壞健康,惡魔之首其實係調味包。細心睇下調味包成分,常見除咗鹽、油、糖等外,還加入很多增味劑、色素、味精等添加物,雖然能提升即食麵嘅美味,但亦係高鈉嘅主要來源。特別留意係當中嘅味精,雖然美國FDA認為味精可安全食用,但佢對人體健康仍有爭議。有人食用味精後會有噁心、心跳加促、肌肉麻痺等反應。此外,有研究指味精會影響腦部健康。一般而言,食一個即食麵攝取鈉量差不多係世衞建議成年人一日限額;而熱量攝量,亦相等於食23碗飯。以健康角度,即食麵唔食最好,但即食麵價錢平、食用方便又美味,真係忍唔住口要食,點至可以食得健康一啲呢?買麵和煮麵時記住幾個法則,就可以相對健康啲歎到魔鬼美食。不過即食麵始終唔健康,偶爾快手解決一餐可以,絕對唔建議經常食。

 

1. 首選非油炸麵

2. 麵底先燙過再煮

3. 減少落調味包

4. 唔好飲湯

5. 添蔬菜增膳食纖維

6. 撈麵可免則免

 

 

 

TEXT: MaryLin

相關文章
懶人開餐連袋加熱就食得         預先包裝食品安全食用?懶人開餐連袋加熱就食得 預先包裝食品安全食用? 天氣凍打邊爐暖笠笠                   唔想肥緊記7大要點天氣凍打邊爐暖笠笠 唔想肥緊記7大要點 長戴耳機塞住耳仔易感染    推入耳垢滋生細菌長戴耳機塞住耳仔易感染 推入耳垢滋生細菌 8成人無定期驗眼         睇唔清有黑點閃光眼疾警號8成人無定期驗眼 睇唔清有黑點閃光眼疾警號 剩餸放雪櫃唔好超過3日         盡快冷卻兩小時內放雪櫃剩餸放雪櫃唔好超過3日 盡快冷卻兩小時內放雪櫃 瞓唔夠好易肥                  曬太陽增瘦素助控體重瞓唔夠好易肥 曬太陽增瘦素助控體重 漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物 冬天瞓醒瞓厲頸             熱敷伸展運動助減痛冬天瞓醒瞓厲頸 熱敷伸展運動助減痛